«وبلىستىق فتيزيوپۋلمونولوگيا ورتالىعىندا» COVID-19 ينفەكتسياسىن ەرتە انىقتاۋ ماقساتىندا ۆيرۋسولوگيالىق زەرتحانا اشىلدى. زەرتحانا سوڭعى ۇلگىدەگى اپپاراتتارمەن جابدىقتالعان.
گەرمانيادا وندىرىلگەن Xpert, باك-تەك, بيونەر, حاين-تەست اپپاراتتارىنىڭ مۇمكىندىكتەرىن پايدالانا وتىرىپ كوروناۆيرۋس ىندەتىن انىقتاۋعا بولادى. زەرتحاناعا وڭىردەگى اۋرۋحانالاردان الىنعان سىنامالار جولدانادى. سونىمەن قاتار اۋرۋحاناعا تۇسكەن ناۋقاستار دا بىردەن كوروناۆيرۋس ينفەكتسياسىنا تەكسەرۋدەن وتكىزىلۋدە. زەرتحانا ماماندارى بۇل ءادىستى جاقسى مەڭگەرىپ, حالىققا كورسەتىلەتىنمەديتسينالىق قىزمەت ساپاسىن ارتتىرۋعا ءوز ۇلەستەرىن قوسۋدا.
تۋبەركۋلەز اۋرۋىنا شالدىققان ناۋقاستار ەمدەلەتىن بۇل اۋرۋحانادا الداعى ۋاقىتتا سونداي-اق 16 توسەك ورىنعا ارنالعان پۋلمونولوگيالىق بولىمشە اشۋ جوسپارلانۋدا. ايتا كەتەرلەگى, ەمدەۋ مەمەسىندە «دەزينفەكتسيالاۋ وتكەلى» ورناتىلعان جانە كۇندەلىكتى ناۋقاستار مەن بارلىق قىزمەتكەرلەردىڭ دەنە قىزۋى تەكسەرىلىپ وتىرادى. دارىگەرلەر ءتىپتى ونلاين رەجيمدە دە دياگنوستيكالىق كەڭەس بەرۋدى قولعا العان.
بۇل تۇركىستان وبلىسىندا اشىلعان ءۇشىنشى ۆيرۋسولوگيالىق زەرتحانا بولىپ وتىر. زەرتحانالار قاۋىپتى ىندەت ۆيرۋسىن انىقتاۋعا قاجەتتى مەديتسينالىق ماقساتتاعى بۇيىمدار, قىزمەتكەرلەردىڭ جەكە قورعانىش كيىمدەرى جانە زالالسىزداندىرۋ ماقساتىندا قولدانىلاتىن انتيسەپتيكتەرمەن تولىق قامتاماسىز ەتىلگەن.