تاۋەلسىز ەلىمىزدىڭ تۇعىرىن بەرىك, مارتەبەسىن بيىك ۇستايتىن ماماندار دايىنداۋدا تالماي ەڭبەك ەتكەن, ءبىلىم مەن عىلىم جۇيەسىنىڭ دامۋىنا, بولاشاق زاڭگەر ماماندار دايارلاۋ ىسىنە ۇلكەن ۇلەس قوسقان, زاڭ سالاسىندا عالىمدار مەكتەبىنىڭ قالىپتاسۋىنا ۇلكەن ەڭبەك سىڭىرگەن ۇلاعاتتى ۇستازداردىڭ ءبىرى – قازاقستان رەسپۋبليكاسىنا ەڭبەگi سiڭگەن عىلىم مەن تەحنيكا قايراتكەرى, قازاقستان ۇلتتىق جاراتىلىستانۋ عىلىمدارى اكادەمياسىنىڭ اكادەميگi, زاڭ عىلىمدارىنىڭ دوكتورى, پروفەسسور ەلەگەن قايىرجانوۆتىڭ 80 جىلدىعىنا ارنالعان ەسكە الۋ راسىمىنە وراي قازاقستان ۇلتتىق جاراتىلىستانۋ عىلىمدارى اكادەمياسى (قازۇجعا) مەن قاينار ۋنيۆەرسيتەتى بىرلەسىپ «قىلمىس وبەكتىسىنىڭ ماسەلەلەرى» اتتى تاقىرىپتا دوڭگەلەك ۇستەل وتكىزدى.
تاۋەلسىز ەلىمىزدىڭ تۇعىرىن بەرىك, مارتەبەسىن بيىك ۇستايتىن ماماندار دايىنداۋدا تالماي ەڭبەك ەتكەن, ءبىلىم مەن عىلىم جۇيەسىنىڭ دامۋىنا, بولاشاق زاڭگەر ماماندار دايارلاۋ ىسىنە ۇلكەن ۇلەس قوسقان, زاڭ سالاسىندا عالىمدار مەكتەبىنىڭ قالىپتاسۋىنا ۇلكەن ەڭبەك سىڭىرگەن ۇلاعاتتى ۇستازداردىڭ ءبىرى – قازاقستان رەسپۋبليكاسىنا ەڭبەگi سiڭگەن عىلىم مەن تەحنيكا قايراتكەرى, قازاقستان ۇلتتىق جاراتىلىستانۋ عىلىمدارى اكادەمياسىنىڭ اكادەميگi, زاڭ عىلىمدارىنىڭ دوكتورى, پروفەسسور ەلەگەن قايىرجانوۆتىڭ 80 جىلدىعىنا ارنالعان ەسكە الۋ راسىمىنە وراي قازاقستان ۇلتتىق جاراتىلىستانۋ عىلىمدارى اكادەمياسى (قازۇجعا) مەن قاينار ۋنيۆەرسيتەتى بىرلەسىپ «قىلمىس وبەكتىسىنىڭ ماسەلەلەرى» اتتى تاقىرىپتا دوڭگەلەك ۇستەل وتكىزدى.
دوڭگەلەك ۇستەلدەگى عىلىمي تالقىلاۋلار قازاقستاندا ادام قۇقىعىنىڭ قامتاماسىز ەتىلۋى: جەتىستىكتەر مەن پروبلەمالار; قازاقستان رەسپۋبليكاسىنداعى قىلمىستىق, قىلمىستىق ءىس جۇرگىزۋ جانە قىلمىستىق اتقارۋ زاڭنامالارىنىڭ وزەكتى ماسەلەلەرى; قازاقستان رەسپۋبليكاسى قىلمىستىق زاڭناماسى بويىنشا قىلمىس وبەكتىسى ماسەلەلەرى اتتى باعىتتار بويىنشا جۇرگىزىلدى.
قر ۇعا كوررەسپوندەنت-مۇشەسى, پروفەسسور كارىمبەك قۇرماناليەۆتىڭ توراعالىعىمەن وتكەن دوڭگەلەك ۇستەل ماجىلىسىندە ەلەگەن قايىرجان ۇلىنىڭ شاكىرتى, پارلامەنت ءماجىلىسىنىڭ دەپۋتاتى, زاڭ عىلىمدارىنىڭ دوكتورى نۇرلان ءابدىروۆ «قر قىلمىستىق زاڭناماسى بويىنشا قىلمىس وبەكتىسى ماسەلەسى» اتتى تاقىرىپتا بايانداما جاساپ, ۇستازىنىڭ ونەگەلى ىستەرىن ايتىپ, ونىڭ قىلمىس وبەكتىسىنە بايلانىستى نەگىزگى ۇستانىمدارىنا ەرەكشە توقتالىپ, زاڭگەرلەردىڭ الدىندا تۇرعان مىندەتتەردى اتاپ كورسەتتى. سونداي-اق, زاڭ عىلىمدارىنىڭ دوكتورلارى: زايىرحان اشيتوۆ, ريما جانساراەۆا, ەسبەرگەن الاۋحانوۆ, ءلازيزا بەرسۇگىروۆا, ارىقباي اعىباەۆ, الكەن مىڭداعۇلوۆ, دۋلات شوقمايىتوۆ, گاۋھار رۇستەموۆا, تالعات اكىمجانوۆ, شايمەردەن شاريپوۆ جانە سوليدات قايىرجانوۆالار كۇن تارتىبىندەگى ماسەلەلەر بويىنشا ءوز ويلارىن ورتاعا سالىپ, ۇلتتىق قۇقىقتىق جۇيەنى جاڭعىرتۋدى ودان ءارى جەتىلدىرۋ باعىتىندا ءوز ۇسىنىستارىن تالقىلاۋعا ۇسىندى.
دوڭگەلەك ۇستەلدە جاڭادان قابىلداناتىن قىلمىستىق, قىلمىستىق ءىس جۇرگىزۋ زاڭنامالارىنىڭ جاڭا جوباسىنا بايلانىستى دا, قىلمىستىق زاڭنامانى ىزگىلەندىرۋ جونىندەگى ۇستانىمدار جونىندە دە قىزۋ پىكىرتالاس ءوربىدى.
وسى ءىس-شارا اياسىندا قاينار ۋنيۆەرسيتەتىندە اكادەميك ەلەگەن قايىرجانوۆتىڭ ەسىمى بەرىلگەن كريميناليستيكا زەرتحاناسىنىڭ اشىلۋ سالتاناتى ءوتتى.
دوڭگەلەك ۇستەلگە قاتىسۋشىلار تالقىلانعان ماسەلە بويىنشا ۇسىنىمدار قابىلدادى.
ايگۇل بيجانوۆا,
زاڭ عىلىمدارىنىڭ دوكتورى.