وڭىردە اۆتوموبيل سالاسىندا 24 جوبا ىسكە اسىرىلىپ جاتىر. جوندەلەتىن جولداردىڭ جالپى ۇزىندىعى 359,4 شاقىرىمدى قۇرايدى. بۇل تۋرالى يدم ءباسپاسوز قىزمەتى حابارلادى.
وسى رەتتە وبلىستىق ماڭىزى بار اۆتوموبيل جولدارىندا 5 جوبا جۇزەگە اسىرىلۋدا. جوندەۋدەن وتەتىن وبلىستىق جولداردىڭ ۇزىندىعى 91,2 شاقىرىمدى قۇراسا, ايماقتىڭ اۋداندارىندا جولداردىڭ 268,24 شاقىرىمى جوندەلەدى. دالىرەك ايتقاندا, اۋداندىق جولداردا جۇزەگە اسىرىلىپ جاتقان جوبالار سانى – 19.
ماسەلەن, جەرگىلىكتى ماڭىزى بار:
«مايقايىڭ – ەكىباستۇز» جولىنىڭ 23-29 شاقىرىمدارى,
«چەرنورەتسك – ولگينو – ۋسپەنكا – شارباقتى» جولىنىڭ 25-37 شاقىرىمدارى,
«ەرتىس – ەرتىس بەكەتى» جولىنىڭ 38-40, 63,0 – 67, 1 جانە 62-63 شاقىرىمدارى قايتا جاڭارتۋ جۇمىستارىنان وتپەك.
بۇدان بولەك, وسى جىلى «اقسۋ اۋىلى – لەنينسكي اۋىلى» جولى, «شيقىلداق سەلوسىنا كىرۋ جولى», شيقىلداق – جارسور كولى» جولى, « تورايعىر سەلوسىنا كىرۋ جولى», «چەرنورەتسك – ولگينو – ۋسپەنكا – شارباقتى», «باشماچنوە – وزەرنوە», «كۋزمينو-لەسنوە», «پەسچانوە-لۆوۆكا», «ەفرەموۆكا-لۋگانسك» جولدارى, «اققۋ – قازى – مايقاراعا», «جاڭا جۇلدىز – پەتروپاۆلوۆكا», «شارباقتى – گالكينو – ماقپال» جولدارى, «ەكىباستۇز قالاسى اۋەجايىنا كىرۋ جولى», KS ZL-1 باشماچنوە-وزەرنوە», «اقتوعاي-حاركوۆكا», «KS KM-1 قىزىل وكتيابر - جاڭا اقشيمان» جانە «شاقات-ۆوستوچنوە-شالداي» جولدارى ورتاشا جوندەۋ جۇمىستارىمەن قامتىلاتىن بولادى.
ايتا كەتۋ كەرەك, پاۆلودار وبلىسىنداعى جەرگىلىكتى ماڭىزى بار اۆتوموبيل جولدارىنىڭ جالپى ۇزىندىعى 3 942 شاقىرىمدى قۇرايدى. اتالمىش جولداردىڭ 82,6 % جاقسى جانە قاناعاتتاندىرارلىق جاعدايدا. 2019 جىلى وسى كورسەتكىش بويىنشا ەل وڭىرلەرى اراسىنداعى رەيتينگتە پاۆلودار وبلىسى ماڭعىستاۋ جانە جامبىل وبلىستارىنان كەيىنگى 3 ورىنعا جايعاسقان بولاتىن. 2020 جىلعى قورىتىندىلارعا سايكەس جۇرگىزىلەتىن جول جوندەۋ جۇمىستارىنىڭ ناتيجەسىندە وڭىردەگى جاقسى جانە قاناعاتتاندىرارلىق جاعدايداعى جولداردىڭ ۇلەسى 85% جەتكىزىلەدى دەپ كۇتىلۋدە.