12 مامىردا قوستاناي اۋەجايى نۇر-سۇلتان قالاسىنان كەلەتىن اۋە رەيستەرىن قابىلداي باستايدى. اۋە قاتىناسىن «Qazaq Air» جانە «FlyArystan» كومپانيالارى جۇزەگە اسىرادى.
«Qazaq Air» ۇشاقتارى سەيسەنبى, بەيسەنبى جانە جەكسەنبى كۇندەرى ساعات 10.00-دە قوستانايعا قونىپ, ساعات 10.40-تا كەرى ۇشادى. ال «FlyArystan» اۋە كەمەلەرى دۇيسەنبى, سارسەنبى, جۇما جانە جەكسەنبى كۇندەرى ساعات 11.10-دا قونىپ, 11.40-تا اۋەگە قايتا كوتەرىلەدى.
وڭىرلىك جەدەل اقپارات شتابى جولاۋشىلارعا اۋەجايدا مىناداي سانيتارلىق-ەپيدەميولوگيالىق تالاپتاردىڭ ساقتالاتىنىن ەسكەرتەدى:
- اۋەجاي عيماراتىنا قولىندا بيلەتى بار جولۋشىلار عانا كىرە الادى. شىعارىپ سالۋشىلارعا قاتاڭ تىيىم سالىنعان.
- اەروۆوكزال عيماراتىنا كىرۋ ءۇشىن جولاۋشى مىندەتتى تۇردە بەتپەردە تاعىپ, قولعاپ كيۋى شارت;
- عيماراتقا كىرەر الدىندا ءاربىر جولاۋشىنىڭ دەنە قىزۋى ولشەنەدى;
- سانيتارلىق-كارانتيندىك پۋنكتتىڭ مامانى قىزۋى كوتەرىلىپ تۇرعان نەمەسە جوتەل, ەنتىگۋ, دەمىگۋ بەلگىسى انىقتالعان جولاۋشىنى جەدەل مەديتسينالىق جاردەم كەلگەنشە اەروۆوكزال يزولياتورىندا مەديتسينالىق تەكسەرۋدەن وتكىزەدى;
- جولاۋشىلار تىركەۋدەن ءوتۋ, ۇشاققا وتىرعىزۋ جانە ءتۇسىرۋ كەزىندە قاۋىپسىز اراقاشىقتىقتى ساقتاۋى ءتيىس (1 مەتر);
- اۋەجاي عيماراتىنا سانيتايزەر ورناتىلىپ, عيمارات ءىشى سانيتارلىق تالاپقا ساي تازارتىلىپ تۇرادى.
قوستاناي وبلىسى