الماتىدا كەزەكتى كينو مەرەكەسى مارەگە جەتتى. قازىلار القاسىنىڭ توراعاسى جاڭازەلانديالىق جازۋشى ءارى رەجيسسەر دجەين كەمپيون حانىم باس جۇلدە رەجيسسەرلەر نانني ەكۆتيميشۆيلي مەن سيمون گروسستىڭ «شەشەك اتقاندا» (گرۋزيا) اتتى فيلمگە لايىق دەدى. ال وتكەن جىلى «ەۋرازيا» كينوفەستيۆالىنىڭ باس جۇلدەسى ەشكىمگە بۇيىرماعان بولاتىن.
الماتىدا كەزەكتى كينو مەرەكەسى مارەگە جەتتى. قازىلار القاسىنىڭ توراعاسى جاڭازەلانديالىق جازۋشى ءارى رەجيسسەر دجەين كەمپيون حانىم باس جۇلدە رەجيسسەرلەر نانني ەكۆتيميشۆيلي مەن سيمون گروسستىڭ «شەشەك اتقاندا» (گرۋزيا) اتتى فيلمگە لايىق دەدى. ال وتكەن جىلى «ەۋرازيا» كينوفەستيۆالىنىڭ باس جۇلدەسى ەشكىمگە بۇيىرماعان بولاتىن.
ال «ەڭ ۇزدىك ايەل ءرولى» جۇلدەسىنە «مەنىڭ اپا-سىڭلىلەرىم» (گەرمانيا) كارتيناسىنداعى يورديس ترەبەل مەن «مازالانبا, سارا» (يران) فيلمىندەگى ەلاحە حيزاريگە ءبولىپ بەرىلدى. ال, ەڭ ۇزدىك ەر ادام جۇلدەسىنە «يلو يلو» (سينگاپۋر) كارتيناسىنداعى كو دجا لەر مەن «سۇيىكتىم» اتتى فيلمدەگى كارلو سەچچي (يتاليا) يە بولدى.
وتاندىق تۋىندىلار ىشىنەن سەرىك اپرىموۆتىڭ «باۋىر» اتتى كارتيناسى «ەڭ ۇزدىك رەجيسسۋرا» نوميناتسياسىمەن ماراپاتتالدى. جەرلەسىمىزدىڭ ايتۋىنشا, جۇلدەلى ءفيلمدى ول «جاپىراقتار سىبدىرى» اتتى كارتيناسىمەن قاتار ءتۇسىرىپتى. اپتانىڭ بەس كۇنىندە اتالمىش فيلم, قالعان ەكى كۇنىندە «باۋىر» ءتۇسىرىلىپ وتىرعان. ەكى كارتينا دا ءبىر دەكوراتسيادا جانە ءبىر عانا اكتەرلەردىڭ قۇرامىمەن ورىندالعان.
وسى ارادا جىل سايىن نەگىزگى قازىلار القاسىنىڭ شەشىمىنەن بولەك, فيپرەسسي مەن نەتپاك جۇلدەلەرى دە ءوز ۇزدىكتەرىن تاۋىپ جاتاتىندىعىن ايتا كەتەلىك. بيىل فيپرەسسي قازىلار القاسىنىڭ قۇرمەتىنە گەرمانيا مەن ساۋد ارابياسى بىرىگىپ تۇسىرگەن «ۆادجدا» ءفيلمى, نەتپاك قازىلار القاسىنىڭ جۇلدەسىنە جوعارىدا اتالعان «باۋىر» مەن رەسەي, قازاقستان, گەرمانيا جانە فرانتسيا بىرىگىپ تۇسىرگەن «تەڭىزدى كۇتۋ» فيلمدەرى لايىق دەپ تابىلدى.
ءبىر قىزىعى, بيىلعى «ەۋرازيا» كينوفەستيۆالىنىڭ سوڭعى ءباسپاسوز ءماسليحاتىندا جۋرناليستەردى عانا ەمەس, فەستيۆالدىڭ جۇمىسىن جانداندىرۋعا اتسالىسقان ەرىكتىلەر, اۋەسقوي فوتوگرافتار, مەن بلوگەرلەرگە توسىن سىي كۇتىپ تۇر ەكەن. فەستيۆال دەمەۋشىسى «KIT Group» كومپانياسى ۇلكەن مادەني شارا جۇمىسىن جوعارى كاسىبي تۇرعىدا كوپشىلىككە جاريالاپ, تاراتقانى ءۇشىن باق وكىلدەرىنە ديپلومدار مەن باعالى سىيلىقتار تابىستادى. ولاردىڭ اراسىندا «ەۋرازيا» ءبىرىنشى ارناسى, «حابار» اگەنتتىگى, «ەكسپرەسس ك», «نوۆوە پوكولەنيە», «وگني الاتاۋ», «كومسومولسكايا پراۆدا ۆ كازاحستانە» گازەتتەرى جانە وزگە دە بۇقارالىق اقپارات قۇرالدارى بار.
بۇعان دەيىن حابارلانعانداي, مادەني شاراداعى باستى ماڭىزدى وقيعاسى «قازاقستاندىق كينوجوبالار بازارى» بولدى. ەكىنشى جىل قاتارىنان وسىناۋ بيزنەس-الاڭ جاس رەجيسسەرلاردىڭ جاڭا جوبالارىنا باسپالداق بولىپ وتىر. بيىل كينەماتوگرافيستەرگە ارنالعان قارجىلاي قولداۋعا ءادىلحان ەرجانوۆتىڭ «اليۋشكاسى» مەن سەرىك ابىشەۆتىڭ «ادەموكا» جوبالارى يە بولدى.
فەستيۆالدىڭ تاعى ءبىر ارناۋلى ءجۇلدەسى ۆگيك رەكتورى, رەسەيلىك «ار» كارتيناسىنىڭ پروديۋسەرى ۆلاديمير مالىشەۆقا بەرىلدى. ول قازاقستان كينوونەرىن دامىتىپ, قازاق كينوسىنىڭ الەمدىك فەستيۆالداردان سالتانات قۇرۋىنا قولداۋ كورسەتىپ كەلە جاتقان مەملەكەت باسشىسى نۇرسۇلتان نازارباەۆقا ەرەكشە العىس ءبىلدىردى.
توعىزىنشى حالىقارالىق «ەۋرازيا» كينوفەستيۆالىنىڭ پرەزيدەنتى, ش.ايمانوۆ اتىنداعى «قازاقفيلم» اق پرەزيدەنتى ەرمەك امانشاەۆ وتاندىق كينونىڭ باسى-قاسىندا ءجۇرىپ, ونىڭ العا ىلگەرىلەۋىنە ۇلەس قوسقان ۇلتتىق كينەماتوگرافيستەر مەن فەستيۆالدىڭ ايتۋلى قوناقتارىنا العىس بىلدىرە وتىرىپ, كەلەسى جىلى «ەۋرازيا» كينوفەستيۆالى العاشقى مەرەيتويىن اتاپ وتەتىندىگىن ەسكە سالدى.
ايناش ەسالي,
«ەگەمەن قازاقستان».
الماتى.