قازاقتىڭ قارا ولەڭىنىڭ ەرەن جۇيرىك اقبوزاتىنداي ىلعي ءدۇسىرلەتە شاۋىپ, نەمەسە سونداي ءبىر سۇراپىل شابىستى ءاماندا اڭساۋمەن نوسەرلى عۇمىر كەشكەن كەنىشتى اقىن عافۋ قايىربەكوۆ: «جاقسىلىق اتتى باسىما بايلاپ تۋ-جالاۋ, نايزاعاي شابىت كەۋدەمنەن اتتىم كۇندە الاۋ» دەپ كەلەتىن ءبىر ولەڭىندە ءوزىنىڭ قايىرلى بولعان قاناتتى جىلدارىنا اقتارىلا العىس-راحمەتىن ايتقانى بار ەدى. اقىننىڭ اسىل ءۇمىتى الداماپتى. كوزى تىرىسىندە القاعان قاناتتى جىلدارى, جاناتتى جىرلارى قايران عافاڭدى كوزى جوقتا دا تاستامادى, قازاق رۋحانياتىنىڭ جۇلدىزدارى سامساعان القاراكوك اسپانىنا جارقىراتا الىپ شىقتى. قالىڭ قازاعىنا قادىرمەندى عافاڭنىڭ 85 جىلدىعىنا ورايلاس قازاقستان جازۋشىلار وداعىنىڭ ادەبيەتشىلەر ۇيىندە ءوتكەن مەرەيتويلىق ەسكە الۋ كەشى اقجارما اقىنعا, ونىڭ ازاماتتىق كەلبەتىنە دەگەن ەل سۇيىسپەنشىلىگى استە سۋىماعانىن بايقاتتى. قازاقستاننىڭ حالىق جازۋشىسى, مەملەكەتتىك سىيلىقتىڭ لاۋرەاتى, «حالىقتار دوستىعى» وردەنىنىڭ يەگەرى دەگەن سياقتى ءمىنايى اتاق-ماراپاتتار قۇدىرەتتى دارىننىڭ شىنايى زور تۇلعاسىنىڭ كولەڭكەسىندە قالعانداي ەدى. «عالامات» دەگەن ءسوزىنىڭ ماتەلى بولۋشى ەدى. ءيا, عافاڭ عالاماتى دەگەن وسى شىعار.
قازاقتىڭ قارا ولەڭىنىڭ ەرەن جۇيرىك اقبوزاتىنداي ىلعي ءدۇسىرلەتە شاۋىپ, نەمەسە سونداي ءبىر سۇراپىل شابىستى ءاماندا اڭساۋمەن نوسەرلى عۇمىر كەشكەن كەنىشتى اقىن عافۋ قايىربەكوۆ: «جاقسىلىق اتتى باسىما بايلاپ تۋ-جالاۋ, نايزاعاي شابىت كەۋدەمنەن اتتىم كۇندە الاۋ» دەپ كەلەتىن ءبىر ولەڭىندە ءوزىنىڭ قايىرلى بولعان قاناتتى جىلدارىنا اقتارىلا العىس-راحمەتىن ايتقانى بار ەدى. اقىننىڭ اسىل ءۇمىتى الداماپتى. كوزى تىرىسىندە القاعان قاناتتى جىلدارى, جاناتتى جىرلارى قايران عافاڭدى كوزى جوقتا دا تاستامادى, قازاق رۋحانياتىنىڭ جۇلدىزدارى سامساعان القاراكوك اسپانىنا جارقىراتا الىپ شىقتى. قالىڭ قازاعىنا قادىرمەندى عافاڭنىڭ 85 جىلدىعىنا ورايلاس قازاقستان جازۋشىلار وداعىنىڭ ادەبيەتشىلەر ۇيىندە ءوتكەن مەرەيتويلىق ەسكە الۋ كەشى اقجارما اقىنعا, ونىڭ ازاماتتىق كەلبەتىنە دەگەن ەل سۇيىسپەنشىلىگى استە سۋىماعانىن بايقاتتى. قازاقستاننىڭ حالىق جازۋشىسى, مەملەكەتتىك سىيلىقتىڭ لاۋرەاتى, «حالىقتار دوستىعى» وردەنىنىڭ يەگەرى دەگەن سياقتى ءمىنايى اتاق-ماراپاتتار قۇدىرەتتى دارىننىڭ شىنايى زور تۇلعاسىنىڭ كولەڭكەسىندە قالعانداي ەدى. «عالامات» دەگەن ءسوزىنىڭ ماتەلى بولۋشى ەدى. ءيا, عافاڭ عالاماتى دەگەن وسى شىعار.
ارۋاقتى ايرىقشا سىيلاعاندىقتان دا استانادان ارنايى جەتكەن قازاقستان جازۋشىلار وداعى باسقارماسىنىڭ توراعاسى, پارلامەنت سەناتىنىڭ دەپۋتاتى نۇرلان ورازالين جيىندى اشىپ تۇرىپ: «الاشقا اللاسى بەرە سالعان اقىن» دەپ تەبىرەنسە, ول دا راس. عافاڭنان ءبىر جاس قانا ۇلكەن, بىراق ءبىر كۇنى تۋعان, ءتول قۇرداستاي تەل وسكەن ادەبيەتىمىزدىڭ ابىزى تۇرسىنبەك كاكىشەۆتىڭ: «عافۋ قازاقتىڭ شىن مانىسىندەگى ۇلى اقىنى» دەپ قايىرۋى دا قۇبا-قۇپ. بايانداما جاساعان «قازاق» گازەتىنىڭ باس رەداكتورى, بەلگىلى جازۋشى قوعاباي سارسەكەەۆ اقىن جايىنداعى اعىل-تەگىل اڭىز بەن اقيقاتتى تەربەپ, سىرلى اڭگىمە تيەگىن اعىتتى. ودان كەيىنگى سويلەۋشىلەر دە عافاڭ عاجاپتارىن: قارا ءتىل شەشەندىگىن, كىسىلىك كوسەمدىگىن, اقپا-توكپە اقىندىعىن, شۋماق-شۋماق شۋاقتى ازىلدەرىن, مىنەزىنىڭ جاسىندىعىن ايتىپ تاۋىسار بولمادى. «عافۋدىڭ تامادالىعىنىڭ وزىنە ءبىر گوسپرەميا بەرۋ كەرەك قوي» دەگەن عاباڭ – عابيت مۇسىرەپوۆ سوزدەرى دە, ءابدىراشتىڭ جاراسقانىنىڭ «قايدا قاراما, قايدا بارما, بارلىق جەردە عافاڭ بولاتىنى» تۋرالى ءازىل جاراستىرۋى دا – ءبارى-ءبارى ەسكە الىندى. تاعى ءبىر زامانداسى, اقىن مىڭباي ءراش عافاڭ شىرقايتىن قاسىمنىڭ «داريعا سول قىزىن» ۇيدەن دومبىراسىن الا كەلىپ ايتىپ بەرىپ, كوپتىڭ قۇمارىن ءبىر تارقاتتى.
عافۋتانۋشىلاردىڭ الدىڭعى لەگىندەگى قالامگەر قايسار ءالىم تۋعان جەرى قىزبەلدىڭ عاجايىپتارىن جاي ادامنىڭ تاقىمى تيە بەرمەس قىزكەر تۇلپارمەن ارالاپ كورىپ, وسىناۋ كيەلى توپىراقتىڭ اق باتاسىمەن الماتىعا اتتانعان عافاڭنىڭ «قىزبەل سۋرەتتەرى» اتتى توپتاما جىرلارىمەن قازاق پوەزياسىنا ەنتەلەي, ەركەلەي قوسىلعانىن, اتاقتى قاسىم اقىننىڭ القاۋىنا يە بولعانىن, ودان ءارى كۇللى قازاقتىڭ حان كوتەرگەن كوزايىم شايىرىنا اينالعانىن ادەمى تولعاپ ءبىر ءوتتى. اقىن ناعاشىباي مۇقاتوۆ ءبىر اتا جۇرتى سانالار قوستاناي ەلىنىڭ ىستىق ىقىلاسىن جەتكىزسە, ءىزباسار ىنىلەر تاراپىنان بەلگىلى اقىن-جازۋشىلار سوفى سماتاەۆ, رافاەل نيازبەك اقىن اعاعا دەگەن ءىلتيپاتتارىن جىر جولدارىمەن ورنەكتەدى. مەملەكەتتىك سىيلىقتىڭ لاۋرەاتتارى, كورنەكتى اقىندار يران-عايىپ پەن ۇلىقبەك ەسداۋلەت ءبىرى عافاڭنىڭ ولمەس جىرلارىن وقىپ ەگىلدىرسە, ەكىنشىسى تۋعان ەلى اقىنعا تارتۋ ەتكەن «عافۋكولدىڭ» تۇڭعىش تۇڭعيىقگ ۇلىن اقىننىڭ جارى بادەش اپايعا ءوزىنىڭ تەرەڭگە سۇڭگىپ بارىپ الىپ, قالاي سىيلاعانى جايلى قىزىقتارىن ايتىپ ەلجىرەتتى.
اقىننىڭ جارى دا اعىنان جارىلا تەبىرەنىپ, ەل-جۇرتقا العىس-راحمەتىن اقتاردى. اقىن جىرلا رىنىڭ ماڭگى ولمەيتىنىنىڭ ايعاعىنداي, «انا تۋرالى جىردى» زال تولى قاۋىم كەش سوڭىندا قوسىلا شىرقادى.
قورعانبەك امانجول,
«ەگەمەن قازاقستان».
الماتى.