بۇگىن كەشكى ساعات 20:50-دە «Qazaqstan» تەلەارناسى «COVID-19: كارانتين» دەرەكتى ءفيلمىن كورسەتەدى. بۇل تۋرالى «Qazaqstan» رترك» اق توراعاسىنىڭ ورىنباسارى يلحام يبراگيموۆ ءوزىنىڭ فەيسبۋك پاراقشاسىنا جازدى.
«جوبادا قازاقستاننىڭ الەمدىك پاندەمياعا قارسى جۇرگىزگەن ءىس-قيمىلدارى, ازاماتتاردىڭ دەنساۋلىعىن قورعاۋ مەن ساقتاۋداعى كەشەندى جۇمىستارى, توتەنشە جاعداي رەجيمى كەزىندەگى ساقتىق شارالارى, ەلىمىزدىڭ داعدارىسقا قارسى جاساعان ناقتى ارەكەتتەرى كورىنىس تابادى. باستى ماقساتىمىز – ۋاقىتپەن ساناسپاي, العى شەپتە جۇرگەن دارىگەرلەر مەن قاۋىپسىزدىك سالاسى وكىلدەرىنىڭ ەڭبەگىن جەتكىزۋ. ۇيدەن شىقپاي, ىندەتتىڭ تارالماۋىنا ۇلەس قوسقان قاراپايىم ازاماتتاردىڭ دا وزگەرگەن ءومىرى كورسەتىلەتىن بولادى», - دەيدى ول.