ەلوردا اكىمى التاي كولگىنوۆ مەملەكەت باسشىسىنىڭ اتىنان ۇلى وتان سوعىسىنىڭ ارداگەرلەرىن قۇتتىقتادى. باتىرلار سوعىس جىلدارىنداعى, سوعىستان كەيىنگى ءومىرى تۋرالى ەستەلىكتەرىمەن ءبولىستى. 95 جاستاعى بارلىباي تابەش ۇلى كۋرسك شايقاسىنا قاتىسىپ, ارتيللەريست-نىساناشى بولىپ قىزمەت ەتتى. سوعىستان كەيىنگى جىلدارى مۇعالىم بولىپ جۇمىس ىستەگەن. بۇل تۋرالى قالا اكىمدىگىنىڭ رەسمي سايتى حابارلادى.
95-جاستاعى ميحايل ۆاسيلەۆيچ سوعىس جىلدارىندا مينومەت روتاسىنىڭ كومانديرى بولعان. ول ۋكراين, رۋمىنيا, مولداۆيا, چەحيا, پولشا, ۆەنگريا, رۋمىنيادان ءوتتى. سوعىستان كەيىنگى جىلدارى ول جەو, تەمىر جول, اۋەجاي, ۆوكزال جانە ت.ب. قۇرىلىستارىنا قاتىستى.
«ارداگەرلەردىڭ ارقاسىندا بەيبىت زاماندا ءومىر ءسۇرىپ جاتىرمىز. باتىرلارىمىزدىڭ ۇمىتىلماس ەرلىگىنە باس يەمىز. ءومىر جولىڭىز بارلىعىمىزعا ۇلگى-ونەگە. جۋىردا ارداگەرلەردى ەلباسى قۇتتىقتادى», - دەدى قالا اكىمى التاي كولگىنوۆ.
ەلوردا اكىمدىگىنىڭ قىزمەتكەرلەرى بارلىق ارداگەرلەردى قۇتتىقتادى. ۇرمەلى اسپاپتار وركەسترى سوعىس جىلدارىنىڭ اندەرىن ارداگەرلەردىڭ اۋلالارىندا ورىندادى. ۇلى وتان سوعىسىنداعى جەڭىستىڭ 75 جىلدىعىنا وراي نۇر-سۇلتاندا 3 688 ادام بىرجولعى اقشالاي تولەم الدى. جالپى سوماسى 180 ملن تەڭگەنى قۇرادى. 44 سوعىس ارداگەرىنە 1 ملن تەڭگەدەن سىياقى بەرىلدى.