TAV Airports Holding تۇرىك كومپانياسى الماتى حالىقارالىق اۋەجايىنىڭ 100 پايىز اكتسياسىن ساتىپ الدى. اكتسيانىڭ قۇنى 415 ميلليون دوللار.
TAV Airports حولدينگىنىڭ كونسورتسيۋمداعى ۇلەسى 75 پايىزدان از بولماعان. الدا قۇجاتتاردىڭ بارلىعى زاڭدىق تۇرعىدان رەتتەلگەن سوڭ بارلىق اكتسيانى تابىس ەتۋ جۇزەگە اسپاق.
TAV Airports Holding كومپانياسىنىڭ يەلىگىندە اۋەجايلار كوپ. الماتى اۋەجايى 15-ءشى بولماق.
«قازاقستان گەوگرافيالىق جاعىنان دا, ەكونوميكالىق جاعىنان دا ءىرى ەل. الماتى – ىشكى جالپى ءونىمنىڭ 20 پايىزى تۇتىنىلاتىن ۇلكەن قالا. ودان باسقا «زاماناۋي جىبەك جولىنىڭ», ياعني, قىتاي, ەۋروپا, افريكانى بايلانىستىرىپ تۇرعان ءىرى ورتالىق. ونىڭ الەۋەتى زور. ءبىز ءوزىمىزدىڭ بىلىمىمىزگە سۇيەنىپ, ءىس-ارەكەتتەردى جۇزەگە اسىراتىن بولامىز», - دەيدى حولدينگتىڭ پرەزيدەنتى جانە ابس ديرەكتورى ساني شەنەر.
اشىق دەرەككوزدەرگە سۇيەنسەك, الماتى اۋەجايىنىڭ 100 پايىز اكتسياسى Venus Airport Investment B.V. كومپانياسىنا تيەسىلى بولعان.