سوڭعى كۇندەرى ماقتاارال جانە جەتىساي اۋداندارىنىڭ ەلدى مەكەندەرىندەگى اپات سالدارى ەلدى ابدەن ابىرگەرگە سالعانى كورىپ وتىرمىز. بۇعان دەيىن حابارلانعانداي, الماتى قالاسىنىڭ اكىمى, «Nur Otan» پارتياسى الماتى قالالىق فيليالىنىڭ توراعاسى باقىتجان ساعىنتاەۆتىڭ تاپسىرماسىمەن گۋمانيتارلىق كومەك جيناقتالدى.
ەلباسىمىزدىڭ باستاماسىمەن قۇرىلعان «BizBirgemiz» اكتسياسى اياسىندا الماتى قالاسى اكىمدىگى مەن پارتيانىڭ الماتى قالالىق فيليالى تاراپىنان تۇركىستان وبلىسىندا زارداپ شەككەن ازاماتتارعا 70 توننادان استام گۋمانيتارلىق كومەك, سونىڭ ىشىندە كيىم, توسەك ورىندار, اسا قاجەت ازىق-ت ۇلىك, گيگيەنالىق قۇرالدار, ۇن سياقتى ءبىرىنشى كەزەكتە كەرەكتى زاتتار جىبەرىلدى.
سونىمەن قاتار Jas Otan ەرىكتىلەرى ەۆاكۋاتسيالاۋ پۋنكتتەرى مەن ازىق-ت ۇلىك, كيىم, توسەك ورىندارى, گيگيەنالىق قۇرالدارىن تاراتۋ جۇمىستارىنا قاتىسادى.
كارانتيندەگى الماتى بۇگىنگى قيىندىقتارعا قاراماستان, Nur Otan پارتياسىنىڭ باستاماسىنا جەدەل ءۇن قاتىپ, وڭتۇستىك حالقىنا كومەك بەرۋگە ۇمتىلىپ وتىر. قايىرىمدىق قىزمەت اشىقتىقتى, ايقىندىقتى پەن ەسەپ بەرۋدى تالاپ ەتەتىندىكتەن, كومەك كورسەتكەن ازاماتتار مەن مەكەمەلەردىڭ ءتىزىمى دايىندالدى, اتاپ ايتساق «جاڭا الاتاۋ» قورى, «Metall Prom», «كازلەگپروم-الماتى» جاۋاپكەرشىلىگى شەكتەۋلى سەرىكتەستىكتەرى, «ەير استانا» اكتسيونەرلىك قوعامى, كاسىپكەر, پارتيا مۇشەسى مۇحتار زۋلەەۆ, قالالىق ءماسليحات دەپۋتاتى ەربولات قاسىموۆ جانە تاعى باسقالار بار.