«حالىق» قايىرىمدىلىق قورى ارقالىق قالاسىندا تۇراتىن تۇرمىسى تومەن وتباسىلار مەن كوپ بالالى انالارعا كۇرىش, ۇن, ماكارون, جارما, وسىمدىك مايى, شاي, قانت, قويۋ ءسۇت, ءتۇرلى ءتاتتى تاعامدار سالىنعان ازىق-ت ۇلىك سەبەتتەرىن تاراتتى. ءار سەبەتتىڭ سالماعى شامامەن 60 كەلى تارتادى.
«ەلىمىزدە جاريالانعان توتەنشە جاعدايعا بايلانىستى قازاقستان پرەزيدەنتى جاريالاعان «ەرىكتىلەر جىلى» اياسىندا حالىقتىڭ از قامتىلعان توپتارىنا جان-جاقتى كومەكتەر كورسەتىلىپ جاتىر. بۇگىن كورسەتىلىپ جاتقان كومەك - سونىڭ ءبىر ايعاعى. جالپى كولەمى 1200 تونناعا تەڭ ازىق-ت ۇلىك جيىنتىقتارى ەلىمىزدىڭ بارلىق ايماعىندا تاراتىلاتىن بولادى. وسىلايشا, ەل كاسىپكەرلەرى قيىن ساتتە كومەككە مۇقتاج جاندارعا قول ۇشىن سوزىپ, الەۋمەتتىك جاۋاپكەرشىلىگىن تانىتىپ وتىر. بۇل وسەر ەلدىڭ بەلگىسى. ازاماتتارعا قالا تۇرعىندارىنىڭ اتىنان العىسىمىزدى بىلدىرەمىز», - دەدى قالا اكىمىنىڭ ورىنباسارى تۇبەكباي اۋباكىروۆ.
كوپ بالالى انالار دا دەمەۋشىلەرگە شىنايى العىس ارنادى. الەۋمەتتىك سەبەتتەردى ءار وتباسىنا ەرىكتىلەر جەتكىزىپ بەرەدى.́
قوستاناي وبلىسى