يندونەزيا استاناسى - دجاكارتا قالاسىندا وتكەن «مۇسىلمان الەمىنىڭ ارۋى» بايقاۋىندا نيگەريالىق 21 جاستاعى وبابيي ايشا اجيبولا جەڭىسكە جەتتى, دەپ حابارلايدى Newsru.com سايتى.
دۇنيە جۇزىنە ايگىلى «الەم ارۋى» بايقاۋىنان كەم تۇسپەيتىن اتالمىش شارا وسىمەن ءۇشىنشى رەت ۇيىمداستىرىلدى. بايقاۋعا 500 ارۋ قاتىسىپ, ونىڭ 20-سى فينالعا وتكەن. ال وسى 20-نىڭ اراسىنان وبابيي ايشا اجيبولانىڭ جولى بولدى.
ءوزىنىڭ جەڭىسىنە قۋانعان وبابيي ايشا اجيبولا قۇران سۇرەلەرىنىڭ ءبىرىن وقىپ, كوزىنە جاس الدى. بايقاۋدى ۇيىمداستىرۋشىلار تاراپىنان جەڭىمپاز ارۋعا مەككەگە بارۋعا جولداما بەرىلدى. بۇل جولداما «مۇسىلمان الەمىنىڭ ارۋى» ءۇشىن ەڭ باستى سىيلىق بولدى.
جولدىباي بازار.