اتىراۋدا «MEIRIM SHUAGY» اكتسياسى اياسىندا 130 مەديتسينا جانە پوليتسيا قىزمەتكەرىنىڭ ارقايسىسى 50 مىڭ تەڭگەدەن قارجىلاي سىياقى الدى.
وڭىرلىك كوممۋنيكاتسيالار قىزمەتىنىڭ حابارلاۋىنشا, قايىرىمدىلىق شاراسىنا اتىراۋ وبلىسىنىڭ قۇرمەتتى ازاماتى راشيليا مۇرساليەۆا ۇيىتقى بولعان. اكتسياعا وبلىس اكىمى جانىنداعى ايەلدەر ءىسى جانە وتباسىلىق-دەموگرافيالىق ساياسات جونىندەگى كوميسسيانىڭ مۇشەلەرى مەن ەڭبەك ارداگەرلەرى, قوعام بەلسەندىلەرى مەن يساتاي, ماحامبەت, قىزىلقوعا جانە يندەر اۋداندارىنىڭ ىسكەر ايەلدەرى اتسالىسىپتى.
– ءبىز «MEIRIM SHUAGY» اكتسياسىن قولعا الىپ, قاۋىپتى ىندەتپەن كۇرەستىڭ العى شەبىندە جۇرگەن مەديتسينا جانە پوليتسيا قىزمەتكەرلەرىنە قولداۋ كورسەتۋدى كوزدەدىك. اكتسياعا ءۇن قوسقانداردان ون كۇندە 6 ملن 500 مىڭ تەڭگە جينالدى. بۇل قارجىنى مەديتسينا سالاسىنىڭ 100 قىزمەتكەرىنە, سونداي-اق, 30 پوليتسيا قىزمەتكەرىنە 50 مىڭ تەڭگەدەن اۋداردىق. ويتكەنى, ولار قاۋىپتى ىندەتتىڭ تارالىپ كەتپەۋى ءۇشىن ءوز ءومىرىن تاۋەكەلگە تىگىپ, وتباسىنا بارماي, كۇنى-ءتۇنى جۇمىس ىستەۋدە. ولاردىڭ دامىلسىز ەڭبەگىنە ءوزىمىزدىڭ قۇرمەتىمىزدى, قولداۋىمىزدى وسىلاي ءبىلدىرۋدى ءجون كوردىك, -دەيدى قوعام قايراتكەرى راشيليا مۇرساليەۆا.
ونىڭ ايتۋىنشا, اكتسيا بارىسىندا «ونەرپاز» جشس-ءنىڭ تىگىن تسەحىندا تەگىلگەن 1000 مەديتسينالىق ماسكا تەگىن تاراتىلىپتى.