وبلىستىق باس سانيتارلىق دارىگەر تەمىربەك مۇساعاليەۆتىڭ قاۋلىسىمەن 4 مامىردان بەرى 13 ءتۇرلى نىساننىڭ تاڭەرتەڭگى ساعات 9:00-دەن كەشكى ساعات 17:00-گە دەيىن جۇمىس ىستەۋىنە رۇقسات بەرىلگەن ەدى. ونىڭ ىشىندە 500 شارشى مەترگە دەيىن اۋماعى بار ازىق-ت ۇلىك ەمەس دۇكەندەر, بولەك عيماراتتا ورنالاسقان شاشتارازدار, ادۆوكاتتىق قىزمەت كورسەتەتىن كومپانيالار, مەديتسينالىق ورتالىقتار, ستوماتولوگيالىق كلينيكالار, جارناما اگەنتتىكتەرى, اقپاراتتىق-كوممۋنيكاتسيالىق كومپانيالار مەن تولەم قىزمەتىن كورسەتەتىن تەرمينالدار بار.
سونداي-اق فوتوسالوندار مەن گۇل ساتاتىن دۇكەندەر, ميكروقارجىلىق مەكەمەلەر, ساقتاندىرۋ كومپانيالارى مەن لومباردتار, ايىرباستاۋ پۋنكتتەرى, جىلجىمايتىن م ۇلىكتەرگە قاتىستى وپەراتسيا جۇرگىزەتىن كومپانيالار دا جۇمىسىن باستادى. بىراق, قوعامدىق كولىكتەردىڭ جۇرۋىنە رۇقسات بەرىلگەن جوق.
– قوعامدىق كولىك – ەڭ قاۋىپتى ورىن. ەگەر مەديتسينالىق تەرمينمەن ايتار بولساق, اۆتوبۋس سالونىنىڭ الدىڭعى بولىگىندە سيمپتومسىز اۋىرعان ءبىر جولاۋشى بولسا, ول جولاۋشىلاردىڭ 65 پروتسەنتىنە اۋرۋ جۇقتىرادى. ال, ول سالوننىڭ ارتقى بولىگىندە بولسا, وندا جولاۋشىلاردىڭ 20 پروتسەنتىنە ىندەت تاراتادى, - دەپ ءتۇسىندىردى تەمىربەك مۇساعاليەۆ.