بۇل تۋرالى اقوردانىڭ ءباسپاسوز قىزمەتى حابارلادى.
1. «قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا تۋرالى» قازاقستان رەسپۋبليكاسى پرەزيدەنتىنىڭ 2006 جىلعى 1 اقپانداعى № 56 جارلىعىنا (قازاقستان رەسپۋبليكاسىنىڭ ءپۇاج-ى, 2006 ج., № 5, 39-قۇجات) مىناداي وزگەرىستەر ەنگىزىلسىن:
جوعارىدا اتالعان جارلىقپەن بەكىتىلگەن قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قۇرامىندا:
«سۇلەيمەن ءلاززات جاڭىلىسقىزى - قازاقستان رەسپۋبليكاسى پارلامەنتى سەناتىنىڭ دەپۋتاتى, توراعا ورىنباسارى (كەلىسىم بويىنشا)» دەگەن جولدىڭ الدىندا مىناداي مازمۇنداعى جولمەن تولىقتىرىلسىن:
«رامازانوۆا لاززات كەرىمقۇلقىزى – قازاقستان رەسپۋبليكاسى «اتامەكەن» ۇلتتىق كاسىپكەرلەر پالاتاسى تورالقاسىنىڭ مۇشەسى (كەلىسىم بويىنشا), توراعا»;
«رامازانوۆا لاززات كەرىمقۇلقىزى – قازاقستان رەسپۋبليكاسى «اتامەكەن» ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى (كەلىسىم بويىنشا)» دەگەن جول الىپ تاستالسىن;
اتالعان كوميسسيانىڭ قۇرامىنان گ.ن.ابدىقالىقوۆا شىعارىلسىن.
2. وسى جارلىق قول قويىلعان كۇنىنەن باستاپ كۇشىنە ەنەدى.
قازاقستان رەسپۋبليكاسىنىڭ پرەزيدەنتى
ق.توقاەۆ
نۇر-سۇلتان, اقوردا, 2020 جىلعى 4 مامىر
№ 325