كەشە اقتوبەگە قوستاناي وبلىسى ارقىلى ءوتىپ بارا جاتقان «حوندا» اۆتوكولىگى جويقىن جول اپاتىنا ۇشىرادى. كولىك تىزگىنىندە 29 جاستاعى اتىراۋ تۇرعىنى بولعان.
«قوستاناي-قارابۇتاق» باعىتىنداعى تاس جولدىڭ 334-شاقىرىمىندا جۇرگىزۋشى رولگە يە بولا الماي قالىپ, جول جوندەۋ جۇمىستارىن جۇرگىزىپ جاتقان «كاماز» جۇك كولىگىنە سوعىلعان.
پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, «حوندا» جۇرگىزۋشىسى مەن ونىڭ جولاۋشىسى اپات ورنىندا كوز جۇمعان. جەڭىل كولىكتە بولعان 29 جاستاعى تاعى ءبىر جولاۋشى مەن جول مەكەمەسىنىڭ ەكى جۇمىسشىسى اۋداندىق اۋرۋحاناعا جەتكىزىلدى.
قوستاناي وبلىسى