اقتوبە وبلىسى بيىلعى جىلى 600 مىڭ گا جەرگە ەگىن ەگۋدى جوسپارلاپ وتىر. ونىڭ جارتىسىنان كوبى, ياعني 334 مىڭ گا جەرگە ءداندى جانە بۇرشاق داقىلدارى, 212 مىڭ گا جۋىعى جەمشوپ بولسا, 40 مىڭى مايلى داقىلدار ءۇشىن ءبولىندى. سونداي-اق, 6 مىڭ گا جەرگە كارتوپ, 5,2 مىڭىنا باقشا ەگىلەدى. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى.
وبلىستاعى ەگىس جۇمىستارىنا 400 اۋىلشارۋاشىلىق ءونىمىن وندىرۋشىلەر مەن 200 مىڭعا جۋىق ادام تارتىلادى دەپ جوسپارلانىپ وتىر. 5,3 مىڭنان استام تراكتور, 1,5 مىڭ تۇقىم سەبۋشى جانە 93 ەگىن ەگۋ تەحنيكالارى ىسكە تولىقتاي دايىن.
وبلىسقا 9 مىڭ توننا ديزەل وتىنى ءبولىندى. «قازاگرو» ۇبح, سونداي-اق مقۇ قارجى ينستيتۋتتارى اينالىمداعى قاراجاتتى تولىقتىرۋ ماقساتىندا ايماقتاعى فەرمەرلەردىڭ جەڭىلدەتىلگەن نەسيە الۋعا ءوتىنىمىن ماقۇلدادى. قازىرگى ۋاقىتتا فەرمەرلەر 1,3 ملرد تەڭگە الدى.