بۇل جونىندە بۇگىن ايماق باسشىسى وتكىزگەن جەدەل شتاب وتىرىسىندا ايتىلدى. سونىمەن, 11 مامىردان باستاپ, حالىققا قىزمەت كورسەتۋ ورتالىقتارى جۇمىسىن قايتا باستايتىن بولدى. تۇرعىندار ەندى قىزمەتتىڭ 80%-دان استامىن, ياعني 559 قىزمەت ءتۇرىن «ەلەكتروندىق ۇكىمەت» پورتالى ارقىلى الاتىن بولادى.
- مەملەكەتتىك قىزمەتتەردى اۆتوماتتاندىرۋ دەڭگەيىن ەسكەرە وتىرىپ, قالالاردا حقكو جۇمىسىنىڭ جاڭا تۇجىرىمداماسى «ومنياكالدىق» قاعيداتقا نەگىزدەلەتىن بولادى. ال اۋىلدىق حقكو بۇرىنعىداي جۇمىس ىستەي بەرەدى, - دەدى وبلىس اكىمى.
ەندى قالالىق مەكەندەردەگى حقكو-دا ازاماتتار 97 قىزمەت ءتۇرىن عانا قاعاز تۇرىندە الاتىن بولادى. تاعى ءبىر ايتا كەتەتىن جايت, ەندى 1414 نومىرىنە حابارلاسىپ الدىن الا كەزەك العاننان كەيىن نەمەسە egov.kz. پورتالىنداعى ارنايى سەرۆيسكە تىركەلگەن سوڭ عانا حقو-عا بارۋعا بولادى. مۇنداي بولماعان جاعدايدا ازاماتتارعا قىزمەت كورسەتىلمەيدى.
تۇرمىسى تومەن الەۋمەتتىك توپتار ءۇشىن «جەڭىلدەتىلگەن تەرەزە» جۇمىس ىستەيدى. مۇندا تۇرعىندارعا مەملەكەتتىك قىزمەت تۇرلەرىن قاعاز جۇزىندە دە ەلەكتروندى تۇردە دە الۋعا مۇمكىندىك بار.
قوستاناي وبلىسى