ارداگەرلەردىڭ الەۋمەتتىك تۇرعىداعى ماسەلەلەرى ۇدايى نازاردا. ۇلى جەڭىستىڭ 75 جىلدىق مەرەيتويى قارساڭىندا مايدانگەرلەرگە 1 ميلليون تەڭگەدەن قارجىلاي كومەك كورسەتىلدى. سونداي-اق, اعا بۋىن وكىلدەرىنە تۇرمىستىق جانە اتاۋلى كومەك كورسەتۋدە وڭىردەگى ۆولونتەرلار مەن جەكەلەگەن كاسىپورىندار دا بەلسەنە اتسالىسۋدا.
قازىرگى تاڭدا ايماقتا تۇراتىن 36 مايدانگەر تولىق قامقورلىققا الىنعان. قوعام بەلسەندىلەرى مەن ۆولونتەرلار ارداگەرلەرگە مەديتسينالىق كومەك پەن تۇرمىستاعى كۇندەلىكتى جاردەم كورسەتۋ سياقتى بىرقاتار ماڭىزدى ماسەلەنى ءوز مويىندارىنا العان.
–ۇكىمەت وسى ۇلى وتان سوعىسىنا قاتىسقاندارعا كومەگىن جىلدان-جىلعا كوبەيتىپ, قامقورلىقتى مولايتىپ كەلە جاتقانىن باسا ايتۋىمىز كەرەك. بيىل ۇلى وتان سوعىسىنا قاتىسۋشىلار مەن مۇگەدەكتەرگە 1 ميلليون تەڭگە قارجىلاي كومەك كورسەتىلىپ جاتىر. ودان باسقا 4695 سوعىسقا قاتىسقاندارعا تەڭەستىرىلگەندەر بار. ولارعا دا 30 مىڭنان 100 مىڭ تەڭگە ارالىعىندا كومەك كورسەتىلەدى. بۇدان باسقا «نۇر وتان» پارتياسىنىڭ جاناشىرلىعىمەن مۇگەدەكتەرگە جانە اسا مۇقتاج قارتتارعا 50 مىڭ تەڭگەدەن كومەك كورسەتىلمەكشى,– دەيدى وبلىستىق ارداگەرلەر كەڭەسىنىڭ توراعاسى عوسمان تولەعۇل.
اۋعان سوعىسىنا قاتىسۋشىلار مەن تىل ارداگەرلەرى جانە وعان تەڭدەستىرىلگەندەر دە نازاردان تىس قالمايدى. قازىر كوكشەتاۋدا 14 ارداگەر بار. ولاردىڭ ارقايسىنا قاجەتىنشە كومەك كورسەتىلەدى.
ەلدەگى توتەنشە جاعدايعا بايلانىستى ۇلى جەڭىستىڭ 75 جىلدىق مەرەيتويىنا ارنالعان مادەني كوپشىلىك ءىس-شارالار ونلاين تۇرىندە ۇيىمداستىرىلماقشى. ۇلى جەڭىسكە جەتۋ جولىنداعى مايدانگەرلەردىڭ ەرەن ەرلىگى حالىق جادىندا ماڭگى ساقتالادى.
اقمولا وبلىسى