الماتى اكىمى باقىتجان ساعىنتاەۆ قالا تۇرعىندارىن قازاقستان حالقىنىڭ بىرلىگى كۇنىمەن قۇتتىقتادى.
باقىتجان ساعىنتاەۆ بۇل مەرەكە ۇيىمشىلدىق, ءوزارا تۇسىنىستىك جانە قولداۋ سياقتى قاسيەتتەردىڭ ماڭىزدىلىعىن ەسكە تۇسىرەتىنىن اتاپ ءوتتى.
سونداي-اق قالا اكىمى دوستىق پەن بىرلىكتىڭ ارقاسىندا الماتىلىقتار قيىندىقتاردى ءساتتى جەڭە الاتىنىنا سەنىم ءبىلدىردى.
«قالا تۇرعىندارىن بىرلىك كۇنىمەن قۇتتىقتايمىن! ادامدار اراسىنداعى ىنتىماقتىڭ, جاراسىمدى تاتۋلىقتىڭ وزەكتىلىگىن سيپاتتايتىن بۇل كۇننىڭ ماڭىزى قازىر ەرەكشە. دوستىق پەن كەلىسىمنىڭ ارقاسىندا كوپتەگەن سىن-قاتەردى ەڭسەردىك. قازىر دە بىرلەسىپ جەڭەتىنىمىزگە سەنەمىن», - دەپ جازدى ب. ساعىنتاەۆ Twitter-دەگى پاراقشاسىندا.
ەسكە سالا كەتەيىك, 1 مامىردا قازاقستان حالقىنىڭ بىرلىگى كۇنىن مەرەكەلەۋ تۋرالى جارلىققا قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ 1995 جىلعى 18 قازاندا قول قويعان بولاتىن.