سىن ساعاتتا مەملەكەت باسشىسى قاسىم-جومارت كەمەل ۇلى توقاەۆ مالىمدەمە جاساپ, ىندەتكە قارسى جاسالىپ جاتقان ءىس-ارەكەتتەر مەن كارانتيننىڭ جاڭا تاسىلدەرى تۋرالى اتاپ ءوتتى. ءيا, قازىر الەمنىڭ بارلىق ەلى ءۇشىن وڭاي ەمەس.
ءبىز ساقتىق شارالارىن ۇستانىپ قانا بۇل ىندەتتەن قۇتىلا الامىز. پرەزيدەنت تاپسىرماسىمەن قازاقستان قاۋىپتى ۆيرۋستى دەر كەزىندە اۋىزدىقتاۋعا شەشىم شىعارعانى بەلگىلى. سونىڭ ناتيجەسىندە ءبىزدىڭ ەلىمىزدىڭ ىندەتكە قارسى ءىس-قيمىلىنا ساراپشىلار وڭ باعاسىن بەرگەن ەكەن.
بۇل تۋرالى مەملەكەت باسشىسى مالىمدەمەسىندە: «دۇنيەجۇزىلىك دەنساۋلىق ساقتاۋ ۇيىمى دا, حالىقارالىق ساراپشىلار دا قازاقستاننىڭ ءىس-قيمىلىن وڭ باعالاپ وتىر», دەپ اتاپ ءوتتى.
دەگەنمەن قاۋىپتى ۆيرۋسقا قارسى امال, ارەكەتتەر ءالى دە جالعاسا بەرمەك. ءدال قازىرگى سابىر مەن ءتوزىمنىڭ سىنعا تۇسەتىن شاعىندا ءبىز بىرلىك تانىتۋىمىز كەرەك. مەملەكەت تاراپىنان قازىر بارلىق جاعداي جاسالىپ جاتىر, كۇردەلەنگەن ماسەلەلەر كوڭىلگە قونىمدى شەشىمىن تاۋىپ كەلەدى.
پرەزيدەنتتىڭ: «تاعى دا قايتالاپ ايتامىن: قازىرگىدەي كۇردەلى كەزدە ءاربىر ازامات ءبىزدىڭ نازارىمىزدا بولادى. مەملەكەت ەشكىمدى قيىندىققا قالدىرمايدى», دەپ ايتقانى حالىقتىڭ ەڭسەسىن كوتەرەتىنى اقيقات. سوندىقتان جالعان سوزگە ەرىپ, بايبالام سالۋ قاجەت ەمەس. ازىق-ت ۇلىك ءۇشىن الاڭداۋدىڭ دا قيسىنى جوق.
بۇل تۋرالى قاسىم-جومارت كەمەل ۇلى: «ەلىمىزدە ازىق-ت ۇلىك تاپشىلىعى جوق. جەرگىلىكتى بيلىك ورگاندارى الەۋمەتتىك ماڭىزى بار تاۋارلار باعاسىن باقىلاۋدا ۇستاپ وتىر», دەپ ناقتى ايتتى. شاعىن جانە ورتا بيزنەسكە, ءىرى كومپانيالارعا, ىندەتپەن بەتپە-بەت كۇرەسىپ جۇرگەن اق حالاتتى ابزال جاندارعا قولداۋ كورسەتىلەتىنىن دە اتاپ ءوتتى. ءبىز كەشەگى مەملەكەت باسشىسىنىڭ ماڭىزدى مالىمدەمەسىندەگى ءاربىر سوزگە قوسىلامىز جانە تولىقتاي قولدايمىز.
سىن ساعاتتا بىرگە بولساق, سىناقتارعا سىنباسىمىز اقيقات. حالىققا رۋحاني كۇش-قۋات بەرۋ ماقساتىندا مادەني مەكەمەلەر ونلاين ءىس-شارالارىن قارقىندى جۇرگىزىپ جاتىر. ەڭ باستىسى, بىرلىكتە بولايىق. بىرلىگى جاراسقان قازاقستاننىڭ تىرلىگى دە گۇلدەنە بەرەتىنىنە سەنەمىز.
ەرلان داكەنوۆ,
نۇر-سۇلتان قالاسى اكىمدىگى مەملەكەتتىك اكادەميالىق فيلارمونياسىنىڭ باس ديرەكتورى