بۇگىن ساعات 17.01-دە وبلىستىق توتەنشە جاعداي دەپارتامەنتىنە جىتىقارا قالاسىنىڭ شەتىندەگى «ميچۋرينەتس» ساياجايى ورتەنىپ جاتقانى تۋرالى حابار كەلىپ تۇسكەن. كەيىن ءورتتىڭ تۇتانعان قۋرايدان شىققانى بەلگىلى بولادى. قىزىل جالىن يەسىز تۇرعان 7 ءۇيدى جانە جۇرت تاستاپ كەتكەن 15 ساياجاي تەلىمىن شارپىعان.
- ءورتتى بىردەن سوندىرۋگە جىلدامدىعى 23 م/س بولاتىن كۇشتى جەل كوپ كەدەرگى بولدى. سوعان قاراماستان ءتىلسىز جاۋ ساعات 18.37-دە تولىق اۋىزدىقتالدى. زيان شەككەندەر جوق, - دەپ حابارلادى تجد-نىڭ ءباسپاسوز قىزمەتى.
رەسمي مالىمەت بويىنشا, 1 جارىم گەكتارداي اۋماقتى شارپىعان قىزىل جالىندى توقتاتۋعا 6 ءورت سوندىرگىش جانە ورتكە قارسى 3 ارنايى تەحنيكا, سونداي-اق ون شاقىت ءورت ءسوندىرۋشى جۇمىلعان.