قازاقستان مۇسىلماندارى ءدىني باسقارماسى اپپاراتسىز جۇرە المايتىن دەمىكپەسى بار ادامدارعا ورازا ۇستاماۋعا كەڭەس بەردى.
دەمىكپەسى بار ادام ءجيى دەمىگىپ, تۇنشىعاتىندىقتان, ينگولياتور نە ءدارى پايدالانۋعا ءماجبۇر. سوندىقتان دا, «مۇنداي جاعدايداعى ادام ورازانى قايتەدى؟», ياعني «ينگولياتور ارقىلى اۋىزعا سەپكەن ءدارى ورازانى بۇزا ما؟» دەگەن سۇراق تۋادى.
جالپى «اۋىز, مۇرىن, قۇلاق ارقىلى, ياعني تابيعي جولمەن ىشكە بارعان نارسەلەر ورازانى بۇزادى. ينگولياتور سەكىلدى اپپاراتتارمەن اۋىزعا شاشقان ءدارى ىشكە كەتەتىندىكتەن ورازا بۇزىلادى. سونداي-اق ەم ءۇشىن ينگولياتوردان باسقا تابلەتكا نە سيروپ تۇرىندەگى ءدارى قولدانۋ, تىكەلەي ىشكە باراتىندىقتان ورازانى بۇزادى. مۇنداي اپپاراتسىز جۇرە المايتىن ناۋقاستارعا ورازا ۇستاماۋىنا بولادى. ەگەر دارىگەرلەر ناۋقاستىڭ بۇل اۋرۋدان ايىعۋى نەعايبىل ەكەنىنە كوز جەتكىزسە, وندا ول ورازانىڭ ءار كۇنىنە ءپىديا بەرىپ وتىرادى. ياعني, جوق-جىتىكتى, مىسكىندەردى تاماقتاندىرادى. ال, اۋرۋىنان ساۋىعاتىن بولسا, ساۋىققان كەزىندە قازاسىن وتەيدى.