وسىعان دەيىن 19 ماۋسىمدا رەسەيدىڭ قازان قالاسىندا وتەدى دەپ جوسپارلانعان قازاقستاندىق كاسىپقوي بوكسشى فيرۋزا شاريپوۆا مەن رەسەيلىك سوفيا وچيگاۆانىڭ جەكپە-جەگى 4 شىلدەگە شەگەرىلدى.
32 جاستاعى رەسەي سپورتشىسىنىڭ 2012 جىلى لوندون وليمپياداسىنىڭ كۇمىس جۇلدەگەرى, الەمنىڭ ەكى جانە ەۋروپانىڭ ۇش دۇركىن چەمپيونى اتانعانىنا جانكۇيەرلەر جاقسى بىلەدى. كاسىپقويلار اراسىندا ءوزىنىڭ تۇساۋكەسەر كەزدەسۋىن سوفيا وچيگاۆا 2016 جىلدىڭ 21 مامىرىندا فيرۋزا شاريپوۆا قارسى وتكىزىپ, ۇپاي سانىمەن جەڭىسكە جەتكەن ەدى. ارادا ءۇش اي وتپەي جاتىپ, رەسەيلىك ەلەنا مەدۆەدەنكودان باسىم ءتۇستى. بىراق سودان كەيىن ءتورت جىلعا جۋىق ۋاقىت ۇلكەن سپورتتان قول ءۇزىپ كەتتى. بيىل وچيگاۆا وز جاتتىعۋىن قايتا باستادى.
25 جاستاعى فيرۋزا شاريپوۆا 2016 جىلدان بەرى كاسىپقوي رينگتە كۇش سىناسۋدا. سول ارالىقتا 11 رەت شارشى الاڭعا شىعىپ, 10 رەت جەڭسكە جەتتى. بەس باسەكەنى مەرزىمىنەن بۇرىن اياقتادى.