قوستانايلىق پوليتسەيلەر «ورتتە كورسەتكەن قايسارلىعى ءۇشىن» مەدالىمەن ماراپاتتالدى

جانبولات جاۋتين مەن امانتاي بايجانوۆ تاياۋدا 5 جاسار نارسەتە مەن 14 ەرەسەك ادامدى ورتتەن امان الىپ شىققان بولاتىن.

22 ساۋىردە تۇنگى كۇزەتتە جۇرگەن جانبولات جاۋتين مەن امانتاي بايجانوۆ التىنسارين كوشەسىندەگى ەكى قاباتتى ۇيدەن شىققان ءورتتى بايقاپ قالىپ, بىردەن كومەككە جۇگىرەدى.

-ءبىز سول ساتتە ءورت سوندىرۋشىلەر مەن جەدەل جاردەم قىزمەتىن شاقىردىق. مۇندايدا ءار سەكۋند قىمبات. ەكى قاباتتى ءۇيدىڭ مانساردىندا دا ادام بار ەكەن, - دەيدى جانبولات جاۋتين. ءۇيدىڭ اينالاسىنداعى قورشاۋى بيىك, قاقپاسى جابىق بولعان. پوليتسەيلەر قورشاۋدان سەكىرىپ ءتۇسىپ, ق ۇلىپتاۋلى ءۇيدىڭ ەسىگىن بۇزىپ ىشكە ەنەدى. بۇل كەزدە مانسارد تۇگەلدەي قىزىل جالىنعا ورانىپ, ءۇيدىڭ ءىشىن قويۋ ءتۇتىن باسا باستاعان. پوليتسەيلەر جانتالاسىپ ءجۇرىپ, ۇيدەگىلەردى ۇيقىدان وياتا باستايدى. ويانا الماعاندارىن سىرتقا كوتەرىپ شىعارعان.

-تۇرعىنداردىڭ ءبىرى قالماي سىرتقا شىعارىلعانىنا كوزىمىز جەتكەنشە ۇيگە قايتا-قايتا كىرىپ, بولمەلەردى بىرنەشە رەت تەكسەرىپ شىقتىق, - دەيدى امانتاي بايجانوۆ.

قوستاناي وبلىسى