ارقالىق: ءۇي كارانتينىنە جابىلعاندارعا تەگىن ازىق-ت ۇلىك جەتكىزىلەدى

قازىر قالا كوشەلەرى, كوپ قاباتتى تۇرعىن ءۇي كىرەبەرىستەرى مەن قازپوشتا, بانكتەردىڭ  حالىققا قىزمەت كورسەتۋ ورىندارى, اۋەلبەكوۆ, اباي, شاقشاق جانىبەك كوشەلەرى كۇندەلىكتى دەزينفەكتسيالاۋدان ءوتىپ تۇرادى.  دەزينفەكتسيا فوربيتسيد سۇيىق ەرىتىندىسىن قولدانا وتىرىپ, ارنايى قۇرىلعى كومەگىمەن جاسالادى.

قالادا 9 ادام كارانتيندىك بولىمشەدە جاتىر. ولاردىڭ بىرەۋى رەسەيدەن كەلگەن, 8-ءى ناۋقاسپەن بايلانىستا بولعاندار.

ارقالىق وڭىرلىك اۋرۋحاناسىنىڭ پروۆيزورلىق بولىمشەسىندە سۋىق ءتيىپ, تۇماۋراتىپ قالعان 2 ادام جاتىر. 95 ادامنان قولحات الىنىپ, ءوز ۇيلەرىنە وقشاۋلانعان.  ولار پوليتسيا قىزمەتكەرلەرىنىڭ باقىلاۋىندا.

قازىر قالا اۋماعىندا ءۇش توسقاۋىل بەكەتى قويىلعان. بۇل بەكەتتەردە 137 پوليتسيا قىزمەتكەرى  ەكى اۋىسىمدى رەجىمدە قىزمەت اتقارىپ جاتىر.

قالادا قوعامدىق كولىك پەن تاكسي مۇلدەم جۇرمەيدى. تەك قىزمەتتىك, كوممۋنالدىق قىزمەتتەرگە, ءىرى كاسىپورىندارعا تيەسىلى 386 اۆتوكولىككە, 159 كاسىپكەر كولىگىنە, 318 اۋىلشارۋاشىلىق تەحنيكاسىنا, سونداي-اق 105 تۇلعاعا رۇقسات ەتىلگەن.

بۇگىنگە دەيىن رەيدتىك ءىس-شارالار بارىسىندا 61 اكىمشىلىك قۇقىق بۇزۋشىلىق (توتەنشە جاعداي رەجيمىن بۇزۋ) انىقتالدى. 24 تۇرعىنعا ايىپپۇل سالىنىپ, 9 ادام قاماۋ تۇرىندەگى اكىمشىلىك جاۋاپكەرشىلىككە تارتىلدى.

ءبىرىنشى كەزەكتە قاجەتتى ازىق-ت ۇلىك الۋ ءۇشىن از قامتىلعاندار قاتارىنان 1000 ادامنان تۇراتىن ءتىزىم جاسالدى. قالا كاسىپكەرلەرى ءۇي كارانتينىندەگى 9 وتباسىن تەگىن ازىق-ت ۇلىكپەن قامتاماسىز ەتەدى.

ارقالىق قالاسىنىڭ ۆولونتەرلىك توبى دا ءبىراز شارۋا تىندىرىپ جاتىر. ەرىكتىلەر جالعىز باستى جانە قارت ادامدارعا كومەك كورسەتۋدە, بانك جانە قازپوشتا بولىمشەلەرى كليەنتتەرىنىڭ سانيتارلىق قاۋىپسىزدىك تالاپتارىن  ساقتاۋىن ۇيىمداستىرۋ جۇمىستارىنا قاتىسۋدا.

تۇرعىندار قالا تىنىسى تۋرالى جەرگىلىكتى تەلەديدار ەفيرى مەن الەۋمەتتىك جەلىلەر ارقىلى كۇندەلىكتى حابار الىپ وتىر.

وڭىرلىك جەدەل شتابتىڭ مالىمەتىنشە, قالا اۋماعىنداعى حالىققا ءبىرىنشى كەزەكتە قاجەت تاۋارلار  باعاسى باقىلاۋدا.  ازىق-ت ۇلىك تاپشىلىعى جوق. جاعداي تۇراقتى. 

قوستاناي وبلىسى