2020 جىلعى ءبىرىنشى توقساندا قمگ مۇناي جانە گاز كوندەنساتىن ءوندىرۋ كولەمى 5 929 مىڭ توننانى (تاۋلىگىنە 489 مىڭ باررەل) قۇراپ, 2019 جىلدىڭ ءبىرىنشى توقسانىمەن سالىستىرعاندا ەش وزگەرىسسىز دەرلىك قالدى. ىلەسپە جانە تابيعي گازدى ءوندىرۋ كولەمى 4,0%-عا2 260 ملن م³ دەيىن ءوستى. بۇل تۋرالى «قازمۇنايگاز» ۇك» اق جۇرتشىلىقپەن بايلانىس دەپارتامەنتى حابارلادى.
مەگا جوبالاردىڭ (تەڭىز, قاشاعان, قاراشىعاناق) مۇناي جانە ىلەسپە تابيعي گازدى ءوندىرۋ كولەمىندەگى قمگ ۇلەسى 2 184 مىڭ توننانى (تاۋلىگىنە 191 مىڭ باررەل) جانە 1 597 ملن م³ قۇرادى, بۇل وتكەن جىلدىڭ وسىنداي كەزەڭىمەن سالىستىرعاندا تيىسىنشە 4,6% جانە 5,9%-عا جوعارى.
تەڭىز كەن ورنىندا مۇناي جانە گاز ءوندىرۋ كولەمىندەگى قمگ ۇلەسى 2019 جىلدىڭ ءبىرىنشى توقسانىمەن سالىستىرعاندا 0,9%-عا ءوسىپ, تيىسىنشە 1 535 مىڭ توننا (تاۋلىگىنە 135 مىڭ باررەل) جانە 841 ملن م³ قۇرادى. 2020 جىلعى ءبىرىنشى توقساندا جاھاندىق پاندەميا تەڭىز كەن ورنىنداعى وندىرىستىك قىزمەتكە ىقپال ەتپەدى. الايدا ءساۋىر ايىنىڭ ورتاسىندا تشو-نىڭ مەردىگەرلىك ۇيىم قىزمەتكەرلەرىنەن COVID-19 جۇقتىرۋ جاعدايلارى انىقتالدى. تشو قىزمەتكەرلەر اراسىندا ىندەتتى جۇقتىرۋ قاۋىپىن ازايتۋ ءۇشىن تەڭىز كەن ورنىندا قاۋىپسىزدىكتى قامتاماسىز ەتۋ جوسپارىن ازىرلەدى. جوسپار نەگىزگى وندىرىستە قۇرىلىس جۇمىستارىن توقتاتۋدى, بولاشاق كەڭەيتۋ جوباسى اياسىندا اسا ماڭىزدى ەمەس جۇمىستاردى كەزەڭ-كەزەڭىمەن توقتاتا تۇرۋدى جانە تەڭىز كەن ورنى اۋماعىندا قىزمەتكەرلەر سانىن ازايتۋدى كوزدەيدى.
قاشاعان كەن ورنىندا مۇناي ءوندىرۋ كولەمىندەگى قمگ ۇلەسى 23%-عا 365 مىڭ تونناعا دەيىن (تاۋلىگىنە 32 مىڭ باررەل) ۇلعايدى. تابيعي جانە ىلەسپە گازدى ءوندىرۋ كولەمى 25,2%-عا ءوسىپ, 219 ملن م³ قۇرادى. مۇناي جانە گاز ءوندىرۋ كولەمى ەكى ۇڭعىمانى ايداۋ قورىنا اۋىستىرۋ ەسەبىنەن گازدى ايداۋ كولەمىنىڭ ۇلعايۋى جانە وندىرىستىك نىسانداردى پايدالانۋ كوەففيتسيەنتىنىڭ جاقسارۋى ناتيجەسىندە ارتتى. 2020 جىلعى ءبىرىنشى توقساندا قاشاعان كەن ورنىندا ورتاشا تاۋلىكتىك جالپى ءوندىرۋ دەڭگەيى تاۋلىگىنە 384 مىڭ باررەلدى قۇرادى.
قاراشىعاناق كەن ورنىندا مۇناي ءوندىرۋ كولەمىندەگى قمگ ۇلەسى 5,2%-عا ارتىپ, 285 مىڭ توننانى (تاۋلىگىنە 25 مىڭ باررەل) قۇرادى. گاز ءوندىرۋ 538 ملن م³ قۇراپ, 2019 جىلعى ءبىرىنشى توقسانداعى دەڭگەيدەن 8,1%-عا جوعارى بولدى. مۇناي مەن گاز ءوندىرۋ كولەمىنىڭ ءوسۋى ورىنبور گاز وڭدەۋ زاۋىتى تاراپىنان گازدى تۇراقتى قابىلداپ تۇرۋىنا جانە 2019 جىلعى قىركۇيەك-
قازان ايلارىندا قاراشىعاناق وڭدەۋ كەشەنى (قوك) جانە گازدى كەشەندى دايىنداۋ قوندىرعىسى (گكدق) نىساندارىندا جوسپارلى-الدىن الۋ جوندەۋ جۇمىستارىنىڭ جۇرگىزىلۋىنە بايلانىستى بولدى.
وپەراتسيالىق اكتيۆتەردە مۇناي مەن گاز ءوندىرۋ كولەمى 2,8%-عا, تيىسىنشە 3 744 مىڭ تونناعا (تاۋلىگىنە 298 مىڭ باررەل) جانە 663 ملن م³ دەيىن تومەندەدى. وپەراتسيالىق اكتيۆتەردەگى ءوندىرۋ كولەمىنىڭ ازايۋى نەگىزىنەن قازگەرمۇناي جانە پەتروقازاقستان كەن ورىندارىندا وندىرىستىك جوسپارعا ساي ءوندىرۋ دەڭگەيىنىڭ سايكەسىنشە 28,4%-عا جانە 22,3%-عا تابيعي جولمەن تومەندەۋىنە بايلانىستى بولدى.