«وسكار» سىيلىعىنىڭ ۇيىمداستىرۋشىلارى دۇنيەجۇزىلىك پاندەميانىڭ سالدارىنان الەمدە كينوتەاترلاردىڭ جابىلىپ قالۋىنا وراي ونلاين تۇردە كورسەتىلگەن فيلمدەردى ىرىكتەۋدەن وتكىزەدى, دەپ حابارلادى piter.tv.
مالىمدەمەنى امەريكالىق كينو ونەرى اكادەمياسى جاساعان. بۇل كينو ونەرىنىڭ تاريحىندا بولماعان جاعداي. ايتسە دە بۇل ەرەجە كينوتەاترلار اشىلعان كۇننەن باستاپ جۇمىسىن توقتاتادى.
جۋىردا «وسكار» سىيلىعى 93-ءشى رەت ۇيىمداستىرىلدى. ۇيىمداستىرۋشىلار ۋاقىتشا بولسا دا بۇل ەرەجەنى نەگە ەنگىزىپ وتىر؟ «وسكار» سىيلىعىنا ۇسىنىلۋ ءۇشىن فيلم جارىققا شىققان ۋاقىتىن قوسا ەسەپتەگەندە 60 كۇننىڭ ىشىندە اكادەميانىڭ ارنايى قورعالعان سايتىنا ورنالاستىرىلۋى ءتيىس. ادەتتە ەرەجە بويىنشا بۇرىن لوس-انجەلەستەگى كوممەرتسيالىق كينوتەاترلاردا كۇنىنە كەمى ءۇش رەتتەن جەتى كۇن قاتارىنان كورسەتىلۋ كەرەك بولاتىن. بۇل دەگەنىڭىز ميلليونداعان قارجى ەكەنى ايتپاسا دا تۇسىنىكتى. جاڭا جاعدايعا سايكەس, ازىرشە ءفيلمنىڭ اكادەميانىڭ سايتىنا ورنالاستىرىلۋى جەتكىلىكتى بولىپ تۇر.