ازاماتتاردىڭ قاۋىپسىزدىگى ءۇشىن كارانتين كەزەڭىندە ەلوردالىق جۇمىسپەن قامتۋ ورتالىعىنىڭ بارلىق مەملەكەتتىك قىزمەتتەرى eGov.kz پورتالى, call-ورتالىق, ەلەكتروندى پوشتا جانە ۇيالى بايلانىس قۇرالدارى ارقىلى ونلاين رەجيمدە كورسەتىلەدى دەپ حابارلايدى ەلوردا اكىمدىگىنىڭ رەسمي سايتى.
ەلوردا بيلىگى قالا تۇرعىندارىن جۇمىسقا ورناتاستىرۋ بويىنشا كەشەندى شارالار قابىلدادى.
جۇمىس ىزدەپ جۇرگەن ازاماتتار ونلاين-كەڭەس الا الادى. سall-ورتالىق نومىرلەرى ورتالىقتىڭ www.cz.astana.kz رەسمي سايتىندا قول جەتىمدى. سونداي-اق, «ەڭبەك» باعدارلاماسى اياسىندا جۇمىسپەن قامتۋ ورتالىعى جۇمىسسىز ازاماتتارعا تۇراقتى جۇمىسقا ورنالاسۋ مۇمكىندىگى بار «جاستار تاجىريبەسى», «الەۋمەتتىك جۇمىس ورنى», «قوعامدىق جۇمىستار» باعدارلامالارىنا قاتىسۋدى ۇسىنادى.
سونىمەن قاتار, جۇمىس بەرۋشىلەرمەن «ەلەكتروندى ەڭبەك بيرجاسى» ينتەرنەت-پورتالىندا, جەكە كابينەت ارقىلى بوس جۇمىس ورىندارىن جيناۋ جانە بوس جۇمىس ورىندارىن تولتىرۋ بويىنشا بەلسەندى جۇمىس جۇرۋدە. ەەب «جۇمىس» www.enbek.kz پورتالى ۇيدەن شىقپاي-اق, ونلاين رەجيمىندە جۇمىس ىزدەۋگە مۇمكىندىك بەرەدى. ول ءۇشىن تىركەلىپ, ءوزىڭىزدىڭ جەكە كابينەتىڭىزدى قۇرىپ, تۇيىندەمەڭىزدى ورنالاستىرۋىڭىز كەرەك.
تج ەنگىزىلگەن ساتتەن باستاپ 335 ازاماتقا جۇمىسقا ورنالاستىرۋ بويىنشا شارالار كورسەتىلدى. ونىڭ ىشىندە 154 ادام تۇراقتى جۇمىسقا ورنالاستىرىلدى. جاستار تاجىريبەسىنەن وتۋگە 29 ادام جىبەرىلدى (جىل باسىنان بەرى 194), 143 ادام «قوعامدىق جۇمىستار» باعدارلاماسىنا قاتىستى (جىل باسىنان بەرى 995), «الەۋمەتتىك جۇمىس» ورىندارىنا 9 ادام جۇمىسقا ورنالاستىرىلدى (جىل باسىنان بەرى 61 ادام). 2020 جىلدىڭ باسىنان جاڭا بيزنەس-يدەيالاردى ىسكە اسىرۋ ءۇشىن مەملەكەتتىك گرانت ءبولۋ جونىندەگى كوميسسيامەن 59 گرانت ماقۇلدانىپ, ونىڭ 47-ءسى بەرىلدى.