«iQala» قالالىق قىزمەت كورسەتۋ ورتالىعى شاعىن جانە ورتا بيزنەس وكىلدەرى ءۇشىن نۇر-سۇلتان قالاسىندا اۆتوكولىك قوزعالىسىنا رۇقسات الۋ قىزمەتىن اۆتوماتتاندىردى. بۇل قىزمەت نۇر-سۇلتان قالاسىندا رۇقسات ەتىلگەن قىزمەت تۇرلەرىنىڭ تىزىمىنە كىرەتىن شاعىن جانە ورتا بيزنەس وكىلدەرى ءۇشىن قولجەتىمدى.
ء«وتىنىمدى msb.iqala.kz پورتالىنا كومپيۋتەر نەمەسە نوۋتبۋك ارقىلى عانا بەرە الاسىز. زاڭدى تۇلعانىڭ ەلەكتروندى تسيفرلىق قولتاڭباسى قاجەت. سونداي-اق مىناداي مينيمالدى مالىمەتتەر جيىنتىعى قاجەت: ۇيىمنىڭ بيزنەس-سايكەستەندىرۋ ءنومىرى (بسن), جۇرگىزۋشىنىڭ / جولاۋشىنىڭ جسن-ى, اۆتوكولىكتىڭ تىركەۋ ءنومىرى, بايلانىس تەلەفونى مەن ەلەكتروندى پوشتا جانە قوزعالىس ماقساتى», – دەلىنگەن حابارلامادا.
پورتال ارقىلى ءبىر كومپانيا ءۇش وتىنىمگە دەيىن بەرە الادى. ولاردىڭ ارقايسىندا ءتورت اۆتوكولىكتەن كوپ ەمەس جانە ءار اۆتوكولىكە ون قىزمەتكەرگە دەيىن مالىمەت بەرۋگە بولادى.
وتىنىشتەر قالالىق جەدەل شتابتا قارالىپ, «سەرگەك» جۇيەسىنە جىبەرىلەدى. «سەرگەك» جۇيەسىنەن وڭدەۋگە قاتىستى رۇقسات العاننان كەيىن ءوتىنىش بەرۋشىنىڭ ەلەكتروندى پوشتاسىنا ءوتىنىشتى قاراۋ ناتيجەلەرى تۋرالى حابارلاما جىبەرىلەدى.
«iQala» قالالىق قىزمەت كورسەتۋ ورتالىعى مەملەكەتتىك قىزمەت كورسەتۋدى جەڭىلدەتۋ جانە اۆتوماتتاندىرۋ ماقساتىندا قۇرىلعان. بۇگىنگى تاڭدا iqala.kz پورتالىندا نۇر-سۇلتان قالاسىنىڭ ءتۇرلى ۇيىمدارىنىڭ جەكە جانە زاڭدى تۇلعالارىنا ارنالعان 129 قىزمەت ءتۇرى قولجەتىمدى.