كارانتين باستالعاننان بەرى كەڭسە ۇيىمداستىرعان ءىس-شارالارعا 300 مىڭنان استام قالا تۇرعىنى قاتىستى دەپ حابارلايدى نۇر-سۇلتان قالاسى اكىمدىگىنىڭ رەسمي سايتى.
نۇر-سۇلتان قالاسىنداعى «رۋحاني جاڭعىرۋ» جوبالىق كەڭسەسى باعدارلامانى جۇزەگە اسىرۋ بويىنشا ءوزىنىڭ ءۇش جىلدىق جۇمىسىن قورىتىندىلادى.
«رۋحاني جاڭعىرۋ» باعدارلاماسى اياسىندا قالادا ىسكە اسىرىلىپ جاتقان بارلىق ءىس-شارالاردىڭ نەگىزىن جەكە تۇلعانىڭ دامۋى, ۇلتتىق بىرەگەيلىك پەن حالىقارالىق ۇستانىم, مەملەكەتتىڭ, ازاماتتىق قوعامنىڭ جانە جەرگىلىكتى قوعامداستىقتاردىڭ دامۋى جانە قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ ايتقان التى باستى قاعيدا: باسەكەگە قابىلەتتىلىك, پراگماتيزم, ۇلتتىق بىرەگەيلىكتى ساقتاۋ, قازاقستاننىڭ رەۆوليۋتسيالىق ەمەس, ەۆوليۋتسيالىق دامۋى, ءبىلىم كۋلتى, سانانىڭ اشىقتىعى قۇرايدى.
2017-2020 جىلدارى 3 ميلليوننان استام ادامدى قامتيتىن 718 ءىس-شارا وتكىزىلدى (ونلاين وقىتۋ, ماستەر كلاسستار). ەلباسىنىڭ باعدارلامالىق ماقالاسىنىڭ نەگىزگى باعىتتارى بويىنشا جۇمىستى ۇيلەستىرۋ ماقساتىندا ەلوردادا حالىقتى كەڭىنەن تارتۋعا باعىتتالعان اۋقىمدى جوبالاردى ىسكە اسىراتىن «رۋحاني جاڭعىرۋ» جوبالىق كەڭسەسى قۇرىلدى.
2019 جىلى «رۋحاني جاڭعىرۋ» جوبالىق كەڭسەسىنىڭ بازاسىندا «رۋحاني جاڭعىرۋ» ءبىلىم بەرۋ ورتالىعى قۇرىلدى. وندا باعدارلامانىڭ نەگىزگى باعىتتارى بويىنشا قازاقستاندىق پروفەسسورلار مەن قوعام قايراتكەرلەرى تەگىن دارىستەر وتكىزەدى.
باعدارلامانى ءتيىمدى ىسكە اسىرۋ ماقساتىندا 2018 جىلدىڭ 3 قاڭتارىنان باستاپ ساراپشىلىق كەڭەس بەكىتىلدى. وعان شىعارماشىلىق جانە عىلىمي ينتەلليگەنتسيا, جوعارى وقۋ ورىندارى, ساياسي پارتيالار, قوعام قايراتكەرلەرى وكىلدەرىنەن 33 ساراپشى قاتىسادى.
27 ساۋىردە نۇر-سۇلتان قالالىق «رۋحاني جاڭعىرۋ» جوبالىق كەڭسەسىنىڭ ديرەكتورى اقەركە جۇمانباەۆا اقپارات جانە قوعامدىق دامۋ مينيسترلىگىنىڭ «رۋحاني جاڭعىرۋ» باعدارلاماسىن ۇيلەستىرۋ دەپارتامەنتىنىڭ ديرەكتورى نۇرلان كۇنتۋوۆپەن ونلاين-سۇحبات وتكىزدى. كەزدەسۋ بارىسىندا «رۋحاني جاڭعىرۋ» باعدارلاماسىن جۇزەگە اسىرۋ بويىنشا 2020 جىلعا ارنالعان جوسپارلار تالقىلاندى. سونىمەن قاتار ءۇش جىل ىشىندەگى جۇمىس ناتيجەلەرى جانە كارانتين كەزىندە جۇرگىزىلەتىن جۇمىستار ايتىلدى.
ايتا كەتۋ كەرەك, كارانتين باستالعاننان بەرى نۇر-سۇلتان قالاسى بويىنشا «رۋحاني جاڭعىرۋ» جوبالىق كەڭسەسى ۇيىمداستىرعان ونلاين ءىس-شارالارعا 300 مىڭنان استام ادام قاتىستى.
2017 جىلدىڭ 12 ساۋىرىندە قر تۇڭعىش پرەزيدەنتى ن. ءا. نازارباەۆتىڭ «رۋحاني جاڭعىرۋ» ماقالاسى جارىق كوردى. بۇگىنگى تاڭدا جوبالىق كەڭسە باعدارلامالىق ماقالانىڭ 6 نەگىزگى باعىتى بويىنشا 13 ارنايى جوبانى ىسكە اسىرۋدا.