وبلىس اكىمى گۇلشارا ابدىقالىقوۆانىڭ توراعالىعىمەن اپپاراتتىق ءماجىلىس ءوتىپ, وندا مەملەكەت باسشىسىنىڭ ەلدەگى كوروناۆيرۋس ىندەتىنە بايلانىستى جاريالانعان ۇندەۋىنەن تۋىندايتىن تاپسىرمالاردىڭ ورىندالۋى تالقىلاندى.
ءوڭىر باسشىسى قازىر وبلىس اكىمدىگى كارانتيندىك شارالاردى باسەڭدەتۋ بويىنشا جۇمىس جۇرگىزىپ جاتقانىن ايتىپ ءوتتى. ول 29 ءساۋىر مەن 4 مامىر ارالىعىندا ەكى كەزەڭگە بولىنگەن. الدىمەن ءوندىرىس, شاعىن جانە ورتا بيزنەس, قۇرىلىس, قوعامدىق كولىك جۇمىسى ىسكە قوسىلادى. سونداي-اق, بالالاردىڭ ويىن الاڭدارىنا جىبەرىلۋى, كوپ قاباتتى ۇيلەردىڭ اۋلالارىندا سەرۋەندەۋى, ساياجاي يەلەرىنىڭ ۋچاسكەلەرىنە شىعۋى قاراستىرىلادى.
جالپى ىندەتپەن كۇرەس شارالارى مەنىڭ كۇندەلىكتى جەكە باقىلاۋىمدا. بۇعان دەيىن دە ءتيىستى ناقتى تاپسىرمالار بەرىلگەن. ءبىرىنشى كەزەكتە, پرەزيدەنت قاسىم-جومارت كەمەل ۇلى توقاەۆتىڭ ۇندەۋىندە ايتىلعان تاپسىرمالاردان تۋىندايتىن مىندەتتەردى جۇزەگە اسىرۋىمىز كەرەك,– دەدى گۇلشارا ناۋشاقىزى.
كارانتين شارۋا قوجالىقتارىنىڭ جاپپاي ەگىس ناۋقانىنا كىرىسۋگە كەدەرگى كەلتىرگەن جوق. وبلىس اكىمىنىڭ ورىنباسارى باقىت جاحانوۆ جۇرگىزىلىپ جاتقان دالا جۇمىستارى تۋرالى باياندادى
جالپى وبلىس بويىنشا 183,1 مىڭ گەكتارعا ەگۋ مەجەلەنگەن. نەگىزگى داقىل - كۇرiشتىڭ كولەمى 88,2 مىڭ گەكتارعا جوسپارلانعان. الايدا, بيىل سۋ تاپشى بولادى دەپ بولجانعاندىقتان اۋداندارداعى كۇرىش ەگىسى كولەمى 2100 گەكتارعا ازايتىلدى. ەگىنشىلەر مينەرالدى تىڭايتقىش جانە تۇقىمدارمەن تولىق قامتاماسىز ەتىلدى, تەحنيكا ەگىن ەگۋگە دايىن. كارانتين جاعدايىندا سانيتارلىق-ەپيدەميولوگيالىق نورمالاردىڭ ساقتالۋىنا باقىلاۋ جۇرگىزىلەدى, –دەدى باحىت جاحانوۆ.
وبلىس اكىمى گۇلشارا ابدىقالىقوۆا قىزىلوردا قالاسى مەن اۋدان اكىمدەرى جانە ءتيىستى مەملەكەتتىك ورگانداردىڭ باسشىلارىنا ەگىن جۇمىستارىن مەرزىمىندە ءارى ساپالى اتقارۋدى جانە الەۋمەتتىك ماڭىزى بار ازىق-ت ۇلىك تاۋارلارىنىڭ شەكتى باعالارىن تۇراقتى باقىلاۋدا ۇستاۋدى تاپسىردى.