مەملەكەت باسشىسى ق.توقاەۆتىڭ ەلىمىزدەگى توتەنشە جاعدايعا بايلانىستى مالىمدەمەسىندە ءاربىر قازاقستاندىقتى تولعاندىراتىن بارلىق سۇراقتارعا تولىققاندى جاۋاپ بەرىلدى.
ەڭ الدىمەن, توتەنشە جاعداي رەجىمىن وسى جىلدىڭ 11 مامىرىنا دەيىن ۇزارتۋ وڭ شەشىم بولدى. بۇل قازىرگى كۇردەلى جاعدايدا وتە قاجەت. وكىنىشكە قاراي, ىندەتتىڭ تارالۋى ءالى باسەڭدەگەن جوق. كارانتيندىك شارالاردى ءبىر مەزەتتە الىپ تاستاعان جاعدايدا, ءبىز قول جەتكىزگەن بارلىق ناتيجەلەر, اتاپ ايتقاندا, ۆيرۋستىڭ تارالۋىن شەكتەۋ بويىنشا شارالار بەكەر بولىپ, اۋرۋدىڭ جاڭا تولقىنىنا تاپ بولۋىمىز ايقىن.
بۇگىندە بۇكىل الەم ادام دەنساۋلىعىنا ۇلكەن قاۋىپ توندىرەتىن ينفەكتسياعا تاپ بولعانىن مويىنداعان كەزدە بوس سوزدەرگە جول جوق. پرەزيدەنتتىڭ ايتۋىنشا, «كەرىسىنشە ويلاۋ – بۇل اقىلعا قونىمسىز نەمەسە ز ۇلىمدىق نيەتتىڭ بولۋى».
سونىمەن قاتار كوروناۆيرۋستىڭ تارالۋ جاعدايى باقىلاۋدا تۇرعان وبلىستار مەن قالالاردا كارانتيندىك رەجىم جەڭىلدەتىلۋى مۇمكىن. بۇل ەڭ الدىمەن, ونەركاسىپتىك كاسىپورىندار, بانكتەر, حالىققا قىزمەت كورسەتۋ ورتالىقتارىنا قاتىستى. بالالاردىڭ ويىن الاڭدارىنا قولجەتىمدىلىگى, ساياجايلار ۋچاسكەلەرىندەگى كوكتەمگى جۇمىستاردى جۇرگىزۋگە رۇقسات بەرۋ ماسەلەسى تالقىلانۋدا. حالىقتىڭ ءومىرىن ۇيىمداستىرۋدىڭ بىرقاتار باسقا دا ماڭىزدى ماسەلەلەرى بار. بىراق جەرگىلىكتى بيلىك پەن كاسىپورىن باسشىلارى ءوز جاۋاپكەرشىلىكتەرىنە تولىقتاي الىپ, بارلىق سانيتارلىق نورمالاردىڭ ساقتالۋىن قامتاماسىز ەتۋى ءتيىس. ولاردىڭ اراسىندا, ءبىرىنشى كەزەكتە, الەۋمەتتىك قاشىقتىق, جۇمىس ورىندارىن دەزينفەكتسيالاۋ جانە باسقا دا ماڭىزدى سانيتارلىق-گيگيەنالىق نورمالار بار. جەڭىلدىك جاساۋ – ءتارتىپتى بۇزۋدى بىلدىرمەيدى.
ءبىز كارانتين جاعدايىندا ءبىر ايدان استام ۋاقىت ءومىر ءسۇرىپ كەلەمىز. ارينە, مۇنىڭ دا ءوز ارتىقشىلىقتارى بار جانە جالپى العاندا ءبىز وتە وپتيميست حالىقپىز. مەملەكەت باسشىسى وسى قيىن ۋاقىتتا ءوزىن ۇستاپ, ءوزىنىڭ جاقىندارى مەن ەلىنە كومەك كورسەتىپ جاتقان جاندارعا ۇنەمى العىس بىلدىرۋدە. پرەزيدەنت, سونداي-اق شىن مانىندە بارلىعىمىز ءۇشىن وتە كۇردەلى ۋاقىت ەكەنىن ۇلكەن تۇسىنىستىكپەن جانە جاناشىرلىقپەن اتاپ ءوتتى. ادەتتەگى ءومىر سالتىن جوعالتۋ, جوسپارلاردىڭ, تابىستاردىڭ وزگەرۋى, قارت ادامداردىڭ جانە بالالاردىڭ دەنساۋلىق ماسەلەلەرى كەيدە الەۋمەتتىك كوڭىل-كۇيدىڭ تۇسۋىنە الىپ كەلەدى.
بۇل ماسەلەلەردى ۇكىمەت شەشۋدە جانە پرەزيدەنتتىڭ تۇراقتى باقىلاۋىندا. قازىرگى جاعداي قاۋىپسىزدىك كەڭەسىنىڭ جانە Nur Otan پارتياسىنىڭ توراعاسى رەتىندە ەلباسىنىڭ نازارىنان دا تىس قالماۋدا. حالىقتى قولداۋ شارالارىنىڭ ەكى پاكەتى قابىلدانىپ, ىسكە اسىرىلۋدا. بۇل جۇمىس جۇيەلى نەگىزدە جالعاسادى.
تۇتاستاي العاندا, مەملەكەت باسشىسى داعدارىستان كەيىنگى قيىن جاعداي ءسوزسىز باستالاتىنىنا ەرەكشە نازار اۋداردى جانە ءبىزدىڭ جاڭا جاعدايدا ءومىر سۇرەتىنىمىزگە, ول كەزدە ەكونوميكالىق جانە مەملەكەتتىك باسقارۋ جۇيەسىنىڭ اۋقىمدى, تەرەڭ وزگەرىسىن جۇزەگە اسىرۋ قاجەت بولاتىنىنا توقتالدى.
زارەما شاۋكەنوۆا,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى