اۋىلدار ينتەرنەتكە قاشان قوسىلادى؟

«قازىر ەلىمىزدىڭ 4300-دەن استام ەلدى مەكەنى جوعارى جىلدامدىقتى ءموبيلدى ين­تەرنەتكە قوسىلعان. وسى جىل­دىڭ سوڭىنا دەيىن تۇر­عىن سانى 250 ادامنان كوپ اۋىلداردىڭ ءبارى 3G نەمەسە 4G بايلانىسىمەن قام­تىلۋى ءتيىس. وسى ورايدا, سىز­دەردەن جۇمىس قارقىنىن باياۋ­لاتپاۋدى سۇرايمىن. ءبىز ءوز تاراپىمىزدان توتەنشە جاع­داي كەزىندە ەنگىزىلگەن شەك­تەۋلەرگە بايلانىس­تى ماسەلەلەردى شەشۋگە كومەك­تەسۋگە دايىنبىز», دەدى باي­لا­نىس وپەراتورلارىنا اس­قار جۇماعاليەۆ.

بۇگىندە ەلىمىزدە قالالار مەن اۋىلداردى قوسقاندا, بارلىعى 4 353 ەلدى مەكەن ءموبيلدى ينتەرنەتپەن قام­تىلعان. ءبارىن قوسقاندا 600 مىڭ ادام ءومىر ءسۇرىپ جاتقان تاعى 928 اۋىل تسيفرلىق دا­مۋ, يننوۆاتسيالار جانە اەرو­عارىش ونەركاسىبى مينيستر­لىگى مەن «كسەلل» اق, «مو­بايل تەلەكوم-سەرۆيس» جشس جانە «كار-تەل» جشس كومپانيالارى اراسىنداعى مەموراندۋم شەڭبەرىندە 3G نەمەسە 4G تەحنولوگيالارى بويىنشا جىلدامدىعى جوعارى ءموبيلدى ينتەرنەتكە قوسىلۋى ءتيىس. «كارتەل» جشس-ءنىڭ بەرگەن اقپاراتىنا سايكەس, جىل باستالعالى 76 اۋىلعا بازا­لىق ستانسالار سالىنعان.

سونداي-اق ەلىمىزدە شال­عاي اۋىلدارعا تالشىق­تى-وپتيكالىق بايلانىس جەلى­لەرىن تارتۋ جوباسى دا جۇزەگە اسى­رىلۋدا. «قازاق­تەلەكوم» اق وسى جوبانى جۇزەگە اسىرۋ اياسىندا جىل باستالعالى 303 اۋىلعا وپتيكالىق سىم جۇر­گىزگەن. جىل سوڭىنا دەيىن قالعان 463 اۋىلعا جەلى تارتۋ جوسپاردا بار. «ترانس­تەلەكوم» اق وسى جىل­دىڭ سوڭىنا دەيىن 161 اۋىل­­داعى وپتيكالىق جەلى قۇرى­لىسىن اياقتاۋدى جوس­پارلاپ وتىرعانىن راستادى.

توتەنشە جاعدايلار رەجى­مىنە بايلانىستى ەن­گىزىلەتىن شارالار وپەراتورلارعا جانە ولاردىڭ مەردىگەرلىك ۇيىم­دارىنا جۇمىستارىن جالعاستىرۋعا مۇمكىندىك بەرسە, ولار وزىنە العان مىن­دەت­تەمەلەردى جوسپارعا ساي ساپالى جانە مەرزىمىندە ورىنداۋدى كوزدەپ وتىر.

وسىلايشا, 2020 جىلدىڭ سوڭىندا جىلدامدىعى جو­عارى ءموبيلدى ينتەرنەت 5 163 ەلدى مەكەندە قولجەتىمدى بولا­دى, ال 3G/4G بايلانىسىن 18 ملن ادام پايدالانادى دەپ جوسپارلانۋدا.