جەڭىستىڭ 75 جىلدىعىنا وراي ايماقتا تۇراتىن سوعىس ارداگەرلەرىنىڭ ارقايسىنىڭ ەسەپشوتىنا 1 ملن تەڭگە اۋدارىلدى. سونىمەن قاتار, سوعىس كەزىندە فاشيستىك ازاپ لاگەرلەرىندە تۇتقىندا بولعان, كەڭەس اسكەرى قۇرامىندا ەرىكتى تۇردە قىزمەت اتقارعان 48 ادام 100 مىڭ تەڭگەدەن, لەنينگراد قۇرساۋىندا بولعان 9 ادام 60 مىڭ تەڭگەدەن الدى.
جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ماكسيم ۋستينوۆتىڭ ايتۋىنشا, سوعىس جىلدارى 6 ايدان كەم ەمەس ۋاقىت جۇمىس ىستەگەن تىل ەڭبەككەرلەرى دە نازاردان تىس قالماعان.
– قوستاناي وبلىسىندا 5 جارىم مىڭنان استام تىل ەڭبەككەرى بار. ول كىسىلەردىڭ ەسەپشوتىنا 30 مىڭ تەڭگەدەن اۋدارىلدى. جالپى, وبلىس بويىنشا اتاۋلى مەرەكەگە وراي 7 مىڭنان استام ادام الەۋمەتتىك جاردەماقى الدى. 6 مىڭعا جۋىق ادام مەرەيتويلىق مەدالدارمەن ماراپاتتالادى, - دەدى باسقارما باسشىسى.