20 ساۋىردە ەلوردادا بىرقاتار جۇمىس ورىنى قايتا ىسكە قوسىلعاننان كەيىن 80 مىڭعا جۋىق ادام جۇمىسقا شىقتى. سانيتارلىق تالاپتاردى ورىنداماعان 15 نىسان جابىلدى.
ءتيىستى تالاپ بويىنشا جۇمىس بەرۋشى مەكەمەلەر ءوز قىزمەتكەرلەرى ءۇشىن ارنايى كولىك ۇيىمداستىرىپ, جەكە قورعانىش قۇرالدارىمەن قامتاماسىز ەتۋگە ءتيىس. نۇر-سۇلتان قالاسى اكىمىنىڭ ورىنباسارى باقتيار ماكەننىڭ ايتۋىنشا, اكىمدىك ەلورداداعى مەكەمەلەرمەن جانە كاسىپورىندارمەن سانيتارلىق تالاپتاردى ورىنداۋ تۋرالى كەلىسىمشارتقا قول قويعان.
– 20 ساۋىردەن باستاپ سانيتارلىق تالاپتاردى ورىنداماعان 15 نىسان جۇمىسىن توقتاتتى. وعان قورعانىش قۇرالدارىنىڭ جوقتىعى, قىزمەتكەرلەر ءۇشىن كولىك تاسىمالىن ۇيىمداستىرماعانى سەبەپ بولدى. سونىمەن قاتار دەزينفەكتسيا شارالارى دا جۇرگىزىلمەگەن, – دەدى ول.
كارانتين ءالى الىنباعاندىقتان, قالاداعى كوپتەگەن ساياباقتار, الاڭدار مەن ادامدار كوپ جينالاتىن ورىنداردىڭ بارلىعى جابىق. پوليتسيا دەپارتامەنتى مەن ەرىكتىلەر ارنايى رەيدتەر جۇرگىزۋدە. ولار كوشەلەردى, نىسانداردى, عيماراتتاردى ارالاپ ءجۇرىپ تەكسەرەدى.
ەلوردادا 9 ساۋىردەن باستاپ ەكسپرەسس تەستىلەۋ جۇمىستارى باستالىپ, وسىعان دەيىن 12 752 ازامات تاپسىرىپ ۇلگەردى. بۇدان باسقا تاعى 41 مىڭ ەكسپرەسس تەست كۆوتا بويىنشا ارنaيى مەديتسينa, پoليتسيا, ۇلتتىق ۇلان قىزمەتكەرلەرi, اسكەريلەر, قالاداعى ءومىردى قaمتاماسىز ەتۋ جۇيەسى مەن كوممۋنالدىق قىزمەتتەردىڭ جۇمىسشىلارىنا بەرىلدi. مۇنداي iس-شارالار كورoناۆيرۋستى تەز ارادا aنىقتاپ, دeر كەزىندە مەديتسينالىق كومەك بەرۋگە مۇمكىندىك بەرمەك.
– استاناداعى №2 قالالىق اۋرۋحانا قازىر تاۋلىك بويى جۇمىس ىستەيدى. ەمحانادا جەدەل رەسپيراتورلى ۆيرۋستىق ينفەكتسيا بەلگىلەرى بار ناۋقاستاردى قابىلدايتىن وبسەرۆاتسيالىق كلينيكا اشىلىپ, زەرتحانالىق زەرتتەۋلەر جۇرگىزىلەدى. بۇل ۆيرۋستىق ينفەكتسيا بەلگىلەرىن ءتيىمدى جانە جىلدام انىقتاۋعا مۇمكىندىك بەرىپ وتىر, – دەيدى قالا اكىمىنىڭ ورىنباسارى.
ول مەملەكەت باسشىسىنىڭ تاپسىرماسى بويىنشا توتەنشە جاعداي كەزىندە كىرىستەردىڭ جوعالۋىنا بايلانىستى ازاماتتارعا الەۋمەتتىك كومەك كورسەتۋ جۇمىستارىنىڭ جالعاسىپ جاتقانىن ايتتى. 24 ساۋىردەگى جاعداي بويىنشا, 243,5 مىڭنان استام ازامات 42,5 مىڭ تەڭگە كولەمىندە الەۋمەتتىك كومەك العان. بارلىعى 594,5 مىڭنان استام ادام الەۋمەتتىك تولەم الۋعا ءوتىنىش بەردى. حالىقتىڭ ءالسىز توپتارىنا الەۋمەتتىك كومەك كورسەتۋ اياسىندا نۇر-سۇلتاننىڭ 30,3 مىڭنان استام تۇرعىنى ازىق-ت ۇلىك جانە تۇرمىستىق جيىنتىقتار ساتىپ الۋ ءۇشىن قوسىمشا تولەمدەر الدى.
قالالىق جەدەل شتاب كارانتين كەزىندە جۇمىس ىستەيتىن كاسىپورىنداردىڭ ناقتى الگوريتمىن بەكىتكەنىن ايتا كەتەيىك. اتالعان شارا جۇمىسشىلاردىڭ قاۋىپسىزدىگىن قامتاماسىز ەتۋگە جانە كوروناۆيرۋس ينفەكتسياسىنىڭ تارالۋىنىڭ الدىن الۋعا باعىتتالعان. ونەركاسىپتىك جانە يندۋستريالىق كاسىپورىندار, قۇرىلىس كومپانيالارى, ءىرى قۇرىلىس دۇكەندەرى, اۋىلشارۋاشىلىق سالاسىندا جۇمىس ىستەيتىن ۇيىمدار مەن جەكە كاسىپكەرلەر, لوگيستيكا سالاسىنداعى كومپانيالار, اۆتوسالوندار, اۆتوبولشەكتەر دۇكەندەرى مەن تقس, ازىق-ت ۇلىك دۇكەندەرى, حيميالىق تازالاۋ جانە جۋ, كەڭسە تەحنيكاسىن جوندەۋ قىزمەتىن كورسەتەتىن مەكەمەلەردىڭ جۇمىس رەجىمى بويىنشا ناقتى الگوريتمى بار باسشىسى جاۋاپ بەرەدى.