«قوستاناي وبلىسىنىڭ قورعانىس ىستەرى جونىندەگى دەپارتامەنتى اسكەري مىندەتتىلەردىڭ قىزمەتكە جارامدىلىق دارەجەسىن انىقتاۋ بويىنشا مەديتسينالىق تەكسەرى وتكىزدى. سونداي-اق, اسكەري قىزمەتكە شاقىرتۋ العانداردا كوروناۆيرۋستىق ينفەكتسيانىڭ بار-جوعىن تەستىلەۋ ۇيىمداستىردى.
مەديتسينالىق كوميسسيا 65 ۇمىتكەردىڭ ىشنەن 50 ادام ىرىكتەپ الدى. بارلىق شاقىرىلۋشىلار قوستاناي قالاسىنىڭ قۇرىلىس كوللەدجىنىڭ جاتاقحاناسىندا ورنالاستىرىلدى» - دەپ مالىمدەدى جەدەل اقپارات شتابى.
ەرتەڭ, ياعني 28 ءساۋىر كۇنى ساعات 15.00-دە قۇرىلىس كوللەدجى الدىنداعى الاڭدا ارنايى اسكەري جيىنعا شاقىرىلعانداردىڭ سالتاناتتى ساپقا تۇرۋ ءراسىمى وتەدى. ساربازدار ساپتىق بايقاۋدان ءوتىپ, ودان كەيىن قالانى دەزينفەكتسيالاۋ جۇمىستارىنا كىرىسەدى. دەزينفەكتسيانى ءتيىمدى جانە قاۋىپسىز جۇرگىزۋ ماقساتىندا بارلىق اسكەرگە شاقىرىلۋشىلار قورعانىس جانە تەحنيكالىق قۇرالدارىمەن - كومبينەزون, قورعانىس ماسكالارى, قولعاپ, اسپالى بۇرىككىشتەرمەن قامتاماسىز ەتىلدى.
جاڭا جاساقتالعان اسكەريلەر وبلىس ورتالىعىنداعى بالالارعا ارنالعان ويىن الاڭقايلارىن, تۇرعىن ۇيلەردىڭ كىرە بەرىس دالىزدەرى مەن اۋلالاردى زالالسىزداندىرادى.
قوستاناي