مەملەكەتتىك كوميسسيانىڭ شەشىمىمەن ەلوردادا 27 ساۋىردەن باستاپ ساياجاي يەلەرىنە كارانتيندىك ايماق شەگىندە ورنالاسقان باۋ-باقشا ۋچاسكەلەرىنە بارۋعا رۇقسات بەرىلدى. ساياجاي يەلەرىنە تۇقىم مەن كوشەت وتىرعىزۋعا رۇقسات.
قوناق شاقىرۋعا, تابيعاتتا نەمەسە ساياجاي اۋماعىندا پيكنيكتەر ۇيىمداستىرۋعا قاتاڭ تىيىم سالىنادى. تۇرعىندار ساقتىق شارالارىن قاتاڭ ساقتاپ, قورعانىس قۇرالدارىن پايدالانۋى قاجەت.
27 ساۋىردەن باستاپ قاتاڭ سانيتارلىق نورمالاردى ساقتاي وتىرىپ, تۇرمىستىق ەلەكتر تەحنيكاسىن ساتاتىن دۇكەندەرگە (اۋدانى 2 مىڭ شارشى مەتردەن استام), بانك قىزمەتى مەن ميكروقارجى ۇيىمدارىنا, ساقتاندىرۋ قىزمەتىنە; ريەلتەرلىك كومپانيالارعا, اگەنتتىكتەرگە, جىلجىمايتىن م ۇلىكتى باعالاۋ جونىندەگى كونسالتينگتىك قىزمەتتەرگە, تۇقىم ساتاتىن دۇكەندەرگە, زووماگازيندەرگە جۇمىسىن قايتا باستاۋعا رۇقسات ەتىلەدى.