قوستاناي وبلىسىنىڭ اكىمىنىڭ «اسكەري مىندەتتىلەردى ارنايى جيىنعا شاقىرۋ» تۋرالى قاۋلىسىنا وراي, قوستانايدا اسكەري مىندەتتى 50 ازامات 27 ساۋىردەن 15 مامىرعا دەيىن زالالسىزداندىرۋ شارالارىن جۇزەگە اسىرۋ ءۇشىن ارنايى اسكەري جيىنعا شاقىرتىلدى, - دەپ حابارلادى قورعانىس ىستەرى جونىندەگى دەپارتامەنتتىڭ ءباسپاسوز قىزمەتى.
ارنايى جيىنعا قوستاناي قالاسىنىڭ قورعانىس ىستەرى جونىندەگى باسقارماسىندا تىركەۋدە تۇرعان اسكەري قىزمەتكە جارامدى ازاماتتار تارتىلادى. شاقىرتۋ العاندار 25 ساۋىردە ساپقا تۇرۋعا جارامدىلىعىن انىقتاۋ ءۇشىن مەديتسينالىق تەكسەرىستەن, سونداي-اق كوروناۆيرۋس ىندەتىنىڭ بار-جوقتىعىن انىقتايتىن تەستىلەۋدەن وتەدى.
اسكەري مىندەتتىلەردى جەكە قورعانىش جانە ارنايى زالالسىزداندىرۋ قۇرالدارىمەن قامتاماسىز ەتۋ جاعى قوستاناي قالاسى اكىمدىگىنە تاپسىرىلدى.
قوستاناي