جامبىل وبلىسىندا كوروناۆيرۋس ينفەكتسياسىن جۇقتىرۋدىڭ تاعى جاڭا 5 جاعدايى تىركەلدى.
العاش انىقتالعان 3 ناۋقاس – تاراز قالاسىنىڭ تۇرعىندارى. ولار وسى ۋاقىتقا دەيىن اۋىرعان ناۋقاستارمەن بايلانىستا بولعاندىقتان, كارانتيندىك ستاتسيونارعا وقشاۋلانعان. ناۋقاستاردىڭ ءبىرى 26 جاستاعى ەر ادام بولسا, ەكىنشىسى 44 جاستاعى ايەل جانە ءۇشىنشىسى 15 جاستاعى ءجاسوسپىرىم. ولاردان الىنعان قان تالداۋلارى وڭ ناتيجە كورسەتكەننەن كەيىن ناۋقاستار ينفەكتسيالىق ستاتسيونارعا جەتكىزىلگەن.
سونىمەن قاتار, تاراز قالاسىنىڭ 1958 جىلى تۋعان تۇرعىنىنان دا كوروناۆيرۋس ىندەتىنىڭ بەلگىلەرى انىقتالعان. ءبىر كۇن بۇرىن ول دەنە قىزۋىنىڭ جوعارىلاۋى, السىزدىك, تاماقتىڭ اۋىرۋىنا بايلانىستى مەديتسينالىق مەكەمەگە شاعىمداندعان. پتر-زەرتتەۋ ناتيجەلەرى بويىنشا وعان COVID-2019 دياگنوزى قويىلدى. ونىمەن بايلانىستا بولعان 8 تۇلعا انىقتالىپ, كارانتينگە ورنالاستىرىلعان.
سونداي-اق, قورداي اۋدانىندا دا تاعى ينفەكتسيانىڭ جاڭا جاعدايى تىركەلدى. ناۋقاس – 1985 جىلى تۋعان شىمكەنت قالاسىنىڭ تۇرعىنى. جۇرگىزۋشى بولىپ جۇمىس ىستەيدى. الگوريتمگە سايكەس, «قاراسۋ» وتكىزۋ پۋنكتى ارقىلى مەملەكەتتىك شەكارانى كەسىپ ءوتۋ كەزىندە ودان تەكسەرۋ ءۇشىن قان تالداۋى الىنىپ, كوروناۆيرۋسقا وڭ ناتيجە كورسەتكەن. ەپيدەميولوگيالىق تەكسەرۋ بارىسىندا ناۋقاس سوڭعى 14 كۇن ىشىندە وزبەكستان, رەسەي جانە قىرعىز ەلدەرىندە بولعان. قازىرگى تاڭدا بۇل ەكى ناۋقاس تا ينفەكتسيالىق ستاتسيونارعا اۋىستىرىلعان. وشاقتاردا ەپيدەمياعا قارسى ءىس-شارالار جۇرگىزىلگەن.
جالپى, 25 ءساۋىر كۇنگى جاعداي بويىنشا جامبىل وبلىسىنىڭ اۋماعىندا كوروناۆيرۋستىق ينفەكتسيانىڭ 103 جاعدايى تىركەلگەن. ونىڭ ىشىندە تاراز قالاسىندا 49 جاعداي, بايزاق اۋدانىندا 4, جامبىل اۋدانىندا 4, قورداي اۋدانىندا 34, مەركى اۋدانىندا 2, مويىنقۇم جانە شۋ اۋداندارىندا ء بىر-بىرەۋدەن انىقتالعان. بارلىق تىركەلگەن جاعدايلاردىڭ ىشىنەن 42 ادام ساۋىعىپ, دارىگەرلەردىڭ باقىلاۋىنداعى ءۇي كارانتينىنە شىعارىلدى.
جامبىل وبلىسى