باتىس قازاقستان وبلىسىندا كوروناۆيرۋس ينفەكتسياسىن جۇقتىرعان 2 ادام رەسەي فەدەراتسياسىندا ۆاحتا ادىسىمەن جۇمىس ىستەيدى.
دەنساۋلىق ساقتاۋ مينيسترلىگى بەرگەن مالىمەتتە انىقتالعان ناۋقاستار 1964 جانە 1991 جىلعى تۇركىستان وبلىسىنىڭ تۇرعىندارى ەكەنى ايتىلعان.
رەسەي فەدەراتسياسىمەن شەكاراداعى تاسقالا اۆتووتكەلىندەگى سانيتارلىق-كارانتيندىك بەكەتتە ەپيدەميولوگ ماماندار ازاماتتاردى بايلانىسسىز تەرمومەتريامەن تەكسەرگەن. ساۋالناما كەزىندە دەنساۋلىققا شاعىمدارى بولماعان. الگوريتمگە سايكەس, سكپ ەپيدەميولوگتارى جەدەل جاردەم شاقىرىپ, ولاردى كارانتيندىك ستاتسيونارعا جاتقىزعان.
پتر دياگنوستيكالىق زەرتتەۋ ەكەۋىنەن دە COVID-19 دياگنوزىن انىقتادى.
ناۋقاستار وبلىستىق جۇقپالى اۋرۋلار اۋرۋحاناسىنا ورنالاستىرىلدى. ولارمەن قارىم-قاتىناستا بولعان ادامدار انىقتالىپ, بارلىعى مەديتسينالىق باقىلاۋعا الىندى.
وبلىستا COVID-19 كوروناۆيرۋس ينفەكتسياسىن جۇقتىرعاندار سانى 102 ادامعا جەتتى.