قالا اكىمىنىڭ تاپسىرماسىنا سايكەس 1 مامىردان باستاپ «استانا ەنەرگيا» اق قىزمەتكەرلەرىنىڭ ەڭبەكاقىسى 10%-كە وسەدى. ءساۋىر ايىندا قىزمەتكەرلەرگە سىياقى بەرىلدى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.
«ەلىمىزدىڭ استاناسى الەمدەگى ەڭ سۋىق استانالاردىڭ قاتارىنا جاتادى. نۇر-سۇلتان قالاسىنىڭ تۇرعىن ۇيلەرى مەن عيماراتتارىن, الەۋمەتتىك نىساندارىن جىلۋمەن قامتاماسىز ەتۋگە اتسالىستىڭىزدار. قىس مەزگىلى ءاردايىم سىناق. قالا مەن حالىق سانىنىڭ ءوسۋ قارقىنىن ەسكەرە وتىرىپ, ەنەرگيا كوزدەرىنە تۇسەتىن جۇكتەمە دە ارتادى. قازىر جەو-1 مەن جەو-2 گازعا كوشىرۋمەن, جەو-3 قۇرىلىسىمەن اينالىسىپ جاتىرمىز. بۇل جۇمىستار كەلەسى جىلىتۋ ماۋسىمىندا دا ۇيلەرگە ءدال وسىلاي ۇزدىكسىز جىلۋ بەرۋگە كومەكتەسەدى. ەڭبەكتەرىڭىزدى جوعارى باعالايمىز. جىلىتۋ ماۋسىمىنىڭ اياقتالۋىنا وراي, اتقارعان قاجىرلى ەڭبەكتەرىڭىز ءۇشىن العىسىمدى بىلدىرەمىن!» - دەدى التاي كولگىنوۆ.
سونداي-اق ەلوردا اكىمى جەو-1 جانە جەو-2 گازعا كوشىرۋ جۇمىستارىنىڭ بارىسىمەن تانىسىپ, الداعى جىلىتۋ ماۋسىمىندا جىلۋ ەلەكتر ورتالىقتارى قالانى گازبەن جىلىتۋعا دايىن بولۋ كەرەكتىگىن ايتتى.