ارقالىقتا ينفەكتسيا بولىمىندە جاتقان ناۋقاستان الىنعان ەكىنشى تالداۋ قورىتىندىسى تەرىس ناتيجە كورسەتتى. بۇل تۋرالى قوستاناي وبلىسىنىڭ «ۇلتتىق ساراپتاما ورتالىعى» مالىمدەدى. قازىر ناۋقاس وڭ ناتيجە كورسەتكەن ءبىرىنشى تالداۋ قورىتىندىسى بويىنشا ەمدەلىپ جاتىر.
– الداعى ۋاقىتتا الىناتىن تالداۋ قورىتىندىلارى ناۋقاستىڭ جاعدايىنا, يممۋنيتەتىنە جانە ەمدەۋ شارالارىنىڭ ىقپالىنا قاراي بىردە وڭ, بىردە تەرىس ناتيجە كورسەتۋى مۇمكىن. حاتتاما بويىنشا اۋرۋحانادان شىعارار الدىندا ناۋقاستان COVID-19-عا تاعى ەكى رەت تالداۋ الىنادى. ەكى تالداۋدىڭ دا قورىتىندىسى تەرىس ناتيجە كورسەتسە, ۇيگە جىبەرىلەدى, - دەپ مالىمدەدى دەنساۋلىق ساقتاۋ باسقارماسىنىڭ ءباسپاسوز قىزمەتى.
ارقالىق قالاسىندا تۇراتىن 48 جاستاعى ايەل 18 ساۋىردە COVID-19 دياگنوزىمەن اۋرۋحاناعا جاتقىزىلعان بولاتىن.
قوستاناي وبلىسى