بۇگىن, قاراعاندى وبلىسىندا كوروناۆيرۋس جۇقتىرعان ءتورت ناۋقاستىڭ اۋرۋحانادان جازىلىپ شىققاندىعى تۋرالى قۋانىشتى حابار جەتتى.
ولاردىڭ ەكەۋى 1953 جانە 1991 جىلدارى تۋعان ەر ادامدار جانە بىرەۋى 2017 جىلى دۇنيەگە كەلگەن قىز بالا ەكەن. ساۋىعىپ كەتكەن تاعى ءبىر ەر ادام – شاحتينسك قالاسىنىڭ 23 جاستاعى تۇرعىنى.
كوروناۆيرۋستىڭ جەڭىل تۇرىنە شالدىققان ولار تولىق ەمدەۋ كۋرسىنان وتكەن. ناۋقاستاردان ەكى مارتە الىنعان پتر-تالداۋ تەرىس ناتيجە كورسەتكەننەن كەيىن, ولار ءۇي كارانتينىنە شىعارىلدى.
بۇگىنگى كۇنگە دەيىن قاراعاندى وبلىسىندا «جامان تۇماۋدان» جازىلىپ شىققانداردىڭ سانى 34 ادامعا جەتتى.
قاراعاندى وبلىسى