قوستاناي: ىندەتتەن ايىققان ايەل سۇقبات بەردى

قازىر ءۇي كارانتينىندە جاتقان ەرلى-زايىپتىلاردىڭ ءبىرى دەنساۋلىق ساقتاۋ باسقارماسى ءباسپاسوز قىزمەتىنىڭ وكىلدەرىمەن سويلەستى.  

 

- انيا (ەسىمى وزگەرتىلدى), ۇيدەسىزدەر مە؟ - ءيا, ۇيگە كەلدىك. دارىگەرلەرگە قۇداي قۋات بەرسىن. - قازىر جاعدايلارىڭىز قالاي؟ - جاعدايىمىز تاماشا! اۋىرىپ جاتقان كەزدە دە كوڭىل-كۇيىمىز جاقسى

بولدى.

- ءبىراز ۋاقىت ۇيدە بولمادىڭىزدار. ساعىنىپ قالعان بولارسىزدار؟ قالاي ۋاقىت وتكىزىپ جاتىرسىز - ۇيگە جەتىسىمەن كۇيەۋىمە كاپۋچينو مەن بۋتەربرود جاساپ بەردىم. ءوزىم قازىرشە كوپ ەشتەمە جەگەن جوقپىن. باۋىرىم ءسال اۋىرىڭقىرايدى. ۆيرۋستىڭ نەمەسە ءدارىنىڭ سالدارى شىعار. - ۇيدە قانشا ۋاقىت بولمادىڭىزدار؟ - ۇيدە بولماعانىمىزعا ءبىر جارىم اي ءوتتى عوي. اۋرۋحانادان شىققان سوڭ, ۇيگە ءبىر ءتۇرلى تولقىپ, توسىرقاپ كىردىك. ءوز ءۇيىڭ, ولەڭ توسەگىڭە نە جەتسىن! سوڭعى ءبىر جارىم اي بىزگە ەركىندىك پەن ءومىردى قالاي باعالاۋ كەرەكتىگىن ۇيرەتتى. بۇل پافوس ەمەس. كوپ نارسەنى باسىمىزعا تۇسكەن سوڭ عانا تۇسىندىك.     - بارلىق پالەكەت وسىمەن كەتسىن. الداعى كۇندەرىڭىز شۋاقتى بولسىن! - راحمەت! قازىر ءۇي كارانتينىندەمىز. وسى مەرزىم بىتكەن سوڭ, ءبارى جاقسى بولادى. شىنىمدى ايتسام, قازىردىڭ وزىندە دە كوڭىل-كۇيىمىز وتە جاقسى. - دارىگەرلەر ىندەت جۇقتىرعانىڭىزدى انىقتاعان كۇنى قانداي كۇيدە بولدىڭىز؟ بالكىم رەنجىگەن دە بولارسىز. بۇگىنگە دەيىن نە وزگەردى؟ - ايتپاڭىز, نە بولعانىن تۇسىنە الماي, بىردەن ەسەڭگىرەپ قالدىق. ەكىۇداي سەزىم بيلەپ الدى – ءوزىمىز ساپ-ساۋ سياقتىمىز, ال دارىگەرلەر اۋرۋسىڭ دەيدى. ىندەت جەڭىل تۇردە وتكەن سوڭ, سولاي بولعان شىعار. ۆيرۋستى دەر كەزىندە انىقتاپ, كۇن-ءتۇن دەمەي ءبىزدى ەمدەپ شىعارعان دارىگەرلەر مەن مەدبيكەلەردىڭ كاسىبي شەبەرلىگىنە ءتانتىمىز. ەمدەۋ شارالارىن شۇعىل باستاپ كەكەن اق حالاتتى ابزال جاندارعا العىسىمىز شەكسىز. ءبارى باسقاشا بولۋى دا مۇمكىن ەدى عوي. ەگەر دارىگەرلەر سول ساتتە اۋرۋحاناعا جاتقىزىپ, بىردەن ەمدەي باستاماعاندا,مۇلدەم باسقاشا بولاتىن ەدى. نە بولاتىنىن ويلاسام, ءالى كۇنگە دەيىن تۇلا بويىم تۇرشىگىپ كەتەدى.    

ءبىز باسىندا باسىمىزدان ءوتىپ جاتقان جاعدايدى دۇرىس تۇسىنبەدىك. جۇمسارتىپ ايتقاندا, بارىنە رەنىشتى بولدىق. ويتكەنى كەلە سالىپ وقشاۋلاندىق, ودان كارانتين باستالدى, ارتىنشا ينفەكتسيالىق بولىمگە تۇستىك. ارتىنشا اقىلعا كەلدىك. ءوز ءومىرىمىزدىڭ قاۋىپسىزدىگىن  ويلاي باستادىق. ايتەۋىر دارىگەرلەردىڭ بارلىق تالاپتارىن بۇلجىتپاي ورىندادىق. بۇلاي ەتپەگەن جاعدايدا ءبىز قانشاما ادامنىڭ ءومىرىن قاۋىپكە تىگەر ەدىك. مۇنى قازىر ويلاعىم دا كەلمەيدى. تەزىرەك ءبارى ۇمىتىلسا ەكەن!

 

قوستاناي وبلىسى