سپورت سالاسىندا مامانداردىڭ بىلىكتىلىگىن ارتتىرۋ ماقساتىندا دوپينگكە قارسى ونلاين-كۋرس ەنگىزىلدى. بۇل تۋرالى مادەنيەت جانە سپورت ءمينيسترى اقتوتى رايىمقۇلوۆا ايتتى.
«جاستاردىڭ بوس ۋاقىتىن ءتيىمدى ۇيىمداستىرۋ ءۇشىن 17 ناۋرىزدا قازاقستان كيبەرسپورت فەدەراتسياسى مەن «قازاقتەلەكوم» اق قازاقستاندا العاش رەت Alaman#StayHome ايماقتىق ءتۋرنيرىن وتكىزۋ تۋرالى حابارلادى. قاشىقتان وتكەن العاشقى كيبەرسپورتتىق تۋرنيرگە گادجەتتەر ارقىلى سايىسقا تۇسكىسى كەلەتىن قازاقستاندىقتاردان 5000-عا جۋىق ءوتىنىش ءتۇستى. بۇل سايىس 31 مامىرعا دەيىن جالعاسادى», - دەدى ا. رايىمقۇلوۆا.
سونداي-اق مينيسترلىك ۇستەل ويىندارى بويىنشا ونلاين-تۋرنيرلەر ۇيىمداستىرادى.
«قازاقستاندىق شاحمات فەدەراتسياسى قازاقستان كيبەرسپورت فەدەراتسياسىمەن بىرلەسە وتىرىپ, chess.com سايتىندا «Uide Bol Cup 2020» نايزاعايلى شاحمات (بليتس) بويىنشا العاشقى ونلاين-تۋرنير ۇيىمداستىردى. جارىسقا 1 230 اۋەسقوي شاحماتشى قاتىستى. وسىنداي جۇمىستار وڭىرلەردە دە جۇرگىزىلۋدە. مىسالى, اقتوبە وبلىسىندا توعىزقۇمالاقتان وبلىستىق ونلاين تۋرنير, ماڭعىستاۋ وبلىسىندا العاش رەت ونلاين-شاحماتتان وبلىس چەمپيوناتى ءوتتى»,- دەدى مينيستر ا. رايىمقۇلوۆا.