توتەنشە جاعداي رەجىمىن جانە كارانتيندىك شارالاردى قامتاماسىز ەتۋ جونىندەگى مىندەتتەردى ورىنداۋ كەزىندە اسكەري قىزمەتشىلەر باتىلدىق پەن وجەتتىلىك, تاپقىرلىق پەن قاراپايىم ادامگەرشىلىك قاجەت بولاتىن ءارتۇرلى وقىس جاعدايلارعا كەزدەسەدى.
مۇنداي جاعدايعا جاقىندا الماتى قالاسىندا پاترۋلدەۋگە قاتىساتىن راديوەلەكترونيكا جانە بايلانىس əسكەري-ينجەنەرلىك ينستيتۋتىنىڭ كۋرسانتتارى تاپ بولدى. ولار تولە بي – ساين كوشەسىنەن قولىندا گراناتاسى بار ەر ادامدى ۇستادى.
كۋرسانتتاردىڭ ايتۋىنشا, ءبىر جىگىت ەكى بەلگىسىز ەر ادامدى كورسەتىپ, ولاردىڭ قولىندا جارىلعىش قول گراناتاسى بار ەكەنىن ايتقان.
«ولاردىڭ ءبىرىنىڭ قالتاسىندا زات بولدى. كەنەتتەن ول əلگى زاتتى الىپ, جەرگە لاقتىردى. مەن گراناتانىڭ كورپۋسىن بايقادىم», – دەيدى كۋرسانتتاردىڭ ءبىرى ەرسۇلتان بولات.
وقيعا ورنىندا ۇستالعاندار پوليتسياعا تاپسىرىلىپ, گراناتا الىنىپ, ساراپتاماعا جىبەرىلدى. كەيىن انىقتالعانداي, ولاردىڭ بىرەۋى بۇرىن ۇرلىق جانە توناۋ əرەكەتتەرى ءۇشىن سوتتالعان ەكەن. جارىلعىش زات قايدان الىنىپ, سونداي-اق پايدالانۋعا نە ءۇشىن جوسپارلانعانىن قۇقىق قورعاۋ ورگاندارى انىقتايتىن بولادى.
قۇرلىق اسكەرلەرى əسكەري ينستيتۋتىنىڭ 4-كۋرس كۋرسانتى مەيرامبەك نايسەكەنوۆ الماتى قالاسى مەن وبلىس شەكاراسىنداعى كوپىردەن وزەنگە سەكىرىپ, وزىنە قول جۇمساماق بولعان قىزدى قۇتقاردى. قاراڭعىدا كوپىردىڭ ارتىندا تۇرعان بويجەتكەننىڭ بەينەسىن كورگەن مەيرامبەك وعان كومەككە جۇگىرگەن. ول بىردەن قىزدىڭ قولىنان ۇستاپ, كوپىردىڭ سۇيەنىشى ارقىلى جوعارى تارتىپ الىپ, قاۋىپسىز جەرگە جەتكىزگەن.
بولعان وقيعا تۋرالى اسكەري قىزمەتشى راتسيا بويىنشا بلوك-بەكەت باسشىلىعىنا بايانداپ, پوليتسيا كەلگەنگە دەيىن بويجەتكەنگە پسيحولوگيالىق قولداۋ كورسەتۋگە تىرىسقان. بەلگىلى بولعانداي, ول ءوزىنىڭ جىگىتىمەن ارازداسۋىنا بايلانىستى وسىنداي قادامعا بارعان كورىنەدى. قۇقىق قورعاۋ ورگاندارىنىڭ وكىلدەرى كۋرسانتتىڭ باتىل ارەكەتتەرىنىڭ ارقاسىندا بويجەتكەن ءتىرى قالعانىن اتاپ ءوتتى. مەيرامبەككە وسى əرەكەتى ءۇشىن العىس جاريالاندى.
اقتوبەدە اۋە قورعانىسى كۇشتەرى əسكەري ينستيتۋتىنىڭ كۋرسانتتارى رومان وتەسەيىتوۆ پەن دياس شامەنوۆ تە ءوز باتىلدىقتارىن كورسەتە ءبىلدى. اسكەري پوليتسيا جاساعىنىڭ اسكەري قىزمەتشىلەرىمەن بىرگە پاترۋلدەۋگە قاتىسا وتىرىپ, اكىمشىلىك قۇقىق بۇزۋشىلىق جاساعان ەر ادامدى ۇستادى. اتالمىش وقيعا بەيبىتشىلىك داڭعىلىندا ورىن الدى. ۇستالعان ازاماتتا سۋىق قارۋ بولعاندىعى انىقتالدى.
اسكەري وقۋ ورىندارىنىڭ جوعارى كۋرس كۋرسانتتارى پاترۋلدەۋگە قاتىسادى. بولاشاق وفيتسەرلەر تاجىريبەلى اسكەري ارىپتەستەرمەن جانە قۇقىق قورعاۋ ورگاندارىنىڭ قىزمەتكەرلەرىمەن بىرلەسە قويىلعان مىندەتتەردى ورىندايدى جانە وسىنداي قيىن جاعدايلاردا دا ازاماتتىقتارىن تانىتادى.