ەكى اپتاعا سوزىلاتىن ۋاقىتشا ءبىتىم اياسىندا يران ورمۇز بۇعازىن قايتا اشۋعا دايىن. بۇل تۋرالى ەلدىڭ سىرتقى ىستەر ءمينيسترى ابباس اراكچي X الەۋمەتتىك جەلىسىندەگى پاراقشاسىندا مالىمدەدى, دەپ جازادى Egemen.kz.
رەسمي مالىمدەمەگە سايكەس, تەگەران اقش پەن ونىڭ وداقتاستارى يراننىڭ ۇلتتىق ينفراقۇرىلىمىنا باعىتتالعان شابۋىلدارىن توقتاتقان جاعدايدا, بۇعاز اكۆاتورياسىنداعى اسكەري ارەكەتتەرىن ۋاقىتشا توقتاتۋعا كەلىسىپ وتىر. شارت مەرزىمى اياقتالۋعا ەكى ساعات قالعاندا, ياعني اقش يراننىڭ كوپىرلەرى مەن ەلەكتر ستانتسيالارىنا سوققى بەرۋدى جوسپارلاعان ساتتە, بۇل كەلىسىمدى دونالد ترامپ راستادى.
ورمۇز بۇعازى ارقىلى مۇناي تاسىمالى قالاي شەشىلمەك؟
كەلىسىم كەزەڭىندە ورمۇز بۇعازى ارقىلى كەمە قاتىناسى قايتا جاندانىپ, قوزعالىس يران كۇشتەرىنىڭ تەحنيكالىق باقىلاۋىندا بولادى. سونىمەن قاتار, يزرايل دە اتىستى توقتاتۋ شارتتارىن ساقتاۋعا مىندەتتەمە العان.
ورمۇز بۇعازىنىڭ بۇعاتتالۋى الەمدە قانداي تاۋەكەلدەر تۋدىرادى؟
The New York Times باسىلىمىنىڭ جازۋىنشا, تەگەران بۇعاز ارقىلى وتەتىن ءاربىر كەمەدەن شامامەن 2 ميلليون دوللار كولەمىندە الىم الۋدى كوزدەپ وتىر. بۇل قاراجات ومانمەن ءبولىسىلىپ, سوعىس سالدارىنان قيراعان نىسانداردى قالپىنا كەلتىرۋگە باعىتتالماق. وسىلايشا, يران بيلىگى ۆاشينگتون مەن تەل-اۆيۆتەن تىكەلەي وتەماقى تالاپ ەتۋدەن باس تارتۋدى جوسپارلاپ وتىر.
ورمۇز بۇعازىنداعى شەكتەۋلەر وتاندىق اۋىل شارۋاشىلىعىنا قالاي ەسەر ەتەدى؟