اگرارلىق ماسەلەلەر جانە قورشاعان ورتانى قورعاۋ كوميتەتىندە “قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءورت قاۋىپسىزدىگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوباسى تالقىلاندى, دەپ حابارلادى پارلامەنت سەناتىنىڭ ءباسپاسوز قىزمەتى.
تالقىلاۋ بارىسىندا توتەنشە جاعدايلار ۆيتسە-ءمينيسترى ۆالەري پەتروۆ وسى زاڭ جوباسى بويىنشا بايانداما جاساپ, دەپۋتاتتاردىڭ سۇراقتارىنا جاۋاپ بەردى. ۆ.پەت-روۆتىڭ ايتۋىنشا, اتالعان زاڭ جوباسى حالىقتىڭ, زاڭدى تۇلعالار مەن دارا كاسىپكەرلەر مۇلكىنىڭ قورعالۋ دەڭگەيىن ولاردىڭ قاۋىپسىزدىگى جاي-كۇيىن باعالاۋدى تاۋەلسىز ساراپشى ۇيىمدار سالاسىنا ەنگىزۋ جولىمەن ارتتىرۋ, سونداي-اق مەملەكەتتىك ءورت باقىلاۋ ورگاندارى جۇزەگە اسىراتىن تەكسەرىستەر سانىن قىسقارتۋ ەسەبىنەن قورعاۋ وبەكتىلەرىنە اكىمشىلىك جۇكتەمەنى ازايتۋ جانە باقىلاۋ قىزمەتىنىڭ نىساندارى مەن ادىستەرىن جەتىلدىرۋ ماقساتىندا ازىرلەنگەن.