پرەمەر-مينيستر اسقار مامين بەينەكونفەرەنتسيا بايلانىسى رەجيمىندە ەۋرازيالىق ۇكىمەتارالىق كەڭەستىڭ (ەۇاك) كەزەكتەن تىس وتىرىسىنا قاتىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
وتىرىسقا قاتىسۋشىلار ەۋرازيالىق ەكونوميكالىق ينتەگراتسيانى دامىتۋدىڭ 2025 جىلعا دەيىنگى ستراتەگيالىق باعىتتارىنىڭ جوباسىنا دايىندىق بارىسىن, ونىڭ ىشىندە ەاەو ورتاق نارىعىندا گازدى تاسىمالداۋ قىزمەتىنىڭ باعاسىن ء(تاريفىن) بەلگىلەۋ تاسىلدەرىن, حالىقارالىق اۆتوكولىك تاسىمالدارىن كەزەڭ-كەزەڭىمەن ىرىقتاندىرۋ, ەاەو-عا مۇشە مەملەكەتتەردىڭ ەكونوميكالىق دامۋىنا نىسانالى ىقپال ەتۋدىڭ يكەمدى تەتىكتەرىن ازىرلەۋ, سونداي-اق دەنساۋلىق ساقتاۋ سالاسىنداعى ىنتىماقتاستىقتى كەڭەيتۋ ماسەلەلەرىن قارادى.
سونىمەن قاتار وتىرىسقا رەسەي فەدەراتسياسىنىڭ پرەمەر-ءمينيسترى ميحايل ميشۋستين, بەلارۋس پرەمەر-ءمينيسترى سەرگەي رۋماس, قىرعىزستان پرەمەر-ءمينيسترى مۋحاممەدكالىي ابىلگازيەۆ, ارمەنيا رەسپۋبليكاسىنىڭ پرەمەر-ءمينيسترى نيكول پاشينيان جانە ەۋرازيالىق ەكونوميكالىق كوميسسيا القاسىنىڭ توراعاسى ميحايل مياسنيكوۆيچ قاتىستى.